සිටි තැන අමතකව ආයතනයේ ලොක්කෙකු වීමට ගිය කම්කරුවකුට රැකියාවෙන් වන්දිගෙවීමට සිදුවූ බව කියවෙන කතා පුවතකි.
සිද්ධිය මෙසේය.
රජයේ ආයතනයක කම්කරුවෙකි. සේවා කාලයේ දී පවා මත්පැන් පානයකොට අශෝභන අයුරින් හැසිරීම් නිසා වරින්වර චෝදනා ලැබූවෙකි.
පසුගිය දිනෙක හොඳ හැටි සප්පායම් වූ ඔහු මිතුරකු ද සමග සවස් යාමයේ ආයතනයට ගොඩ වූයේ කිසියම් කටයුත්තක් සඳහාය.
ආයතනයේ සියලු_ දෙනා සේවය නිමවී නිවෙස්වලට ගොසිනි. ඒ වන විටත් විවෘතව තිබූ කාර්යාලයට ඔහු රිංගාගත්තේ තම අවශ්යතාව ඉටුකරගන්නටය.
නෙතට හසුවූයේ හිස්ව තිබූ තම ප්රධානියාගේ මේසය හා පුටුවයි.
ආයතන ප්රධානියා කැරකෙන පුටුවේ වාඩි වී ගාම්භීර අයුරින් තමා ඇතුළු ආයතනයේ සේවකයින්ට අණ දෙන ආකාරයත් ගැටලු_ විසඳන ආකාරයත් ඔහු ඉදිරියේ මැවී පෙනෙන්නට විය.
ඒ වන විටත් පදමට වැදී සිටි ඔහුට උන්හිටි තැන් අමතක විය. ආයතන ප්රධානියා හිසට ආරූඩ වුණි.
දෙවරක් නොසිතුවේය. ප්රධානියාගේ කැරකෙන පුටුවේ වාඩි වූ හෙතෙම වට දෙක තුනක් කැරකුනේය. තමුන් සමග ආ මිතුරාටද ප්රධානියා අනුකරණය කරමින් සද්දයක් දැම්මේය.
ඉන් නොනැවතුනු ඔහු ලොක්කාගේ මේසය මත වූ සේවකයින් කැඳවන බෙල් එකද කීප විටක්ම නාද කළේ උජාරුවෙන් පුටුවේ ඒ මේ අතට කැරකෙමිනි.
සීනුවේ නාදය ඇසුණ ආයතනයේ ආරක්ෂක නිලධාරියා කලබලයට පත්වූයේ හවස් යාමයේ තමා පරීක්ෂා කිරීමට ලොක්කා පැමිණ ඇතැයි කියාය.
එහෙත් ඔහුට දක්නට ලැබුණේ ලොක්කාගේ ආසනය මත උජාරුවෙන් වාඩි වී සිටින කම්කරුවාය.
ඔහු සමග තිබූ පැරැණි වාඩුවක්ද ගැනීමට කල් යල් බලමින් සිටි ආරක්ෂක නිලධාරියා ලුණුමිරිස් ද එක් කරමින් සියල්ල ආයතන ප්රධානියාගේ කන තැබුවේ සියල්ල අතටම හසුකර දෙමිනි.
සියල්ල නීතියට බාර කෙරිණි. චෝදනා ගණනාවක් යටතේ ඉහළ නිලධාරීන් දැනුම්වත් කෙරිණි. විනය පරීක්ෂණයක් පැවැත්වෙන්නටත් පෙර ඔහුගේ සේවය තාවකාලිකව අත්හිටුවන්නට නිර්දේශ කෙරිණි. වැටුප්ද අත්හිටුවිණි.
ලොක්කා තවමත් ඔහුගේ සුපුරුදු පුටුවේය. ලොක්කා වෙන්නට ගිය සොක්කා කිසිත් කරකියාගත නොහැකිව ජීවත්වන්නට නගරයේ මුට්ට කර ගසන බව ආයතනයේ පිරිස් පවසති. එහෙත් මත්පැන් පානයේ අඩුවක් වී නැතැයිද ඔවුහු කියති.
(වියලුව වාර්තාකරු)
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කන්තෝරුවේ ‘ලොක්කා’ වෙන්න ගිහින් ටවුමේ මුට්ට කරගහයි