රාත්රියේ නිවෙසක පිටුපස සැඟවී සිට එම නිවසේ කාන්තාව දෙස බැල්ම හෙලීමට ගිය පුද්ගලයෙකු පය ලිස්සා ගොස් එම නිවසේම ළිඳට ඇද වැටීමට පත්ව නිවැසියන් අතට හසුවී එම පුද්ගලයා ලවා රාත්රීයේම ළිඳ ඉසීම සිදු කර සුද්ධ පවිත්ර කර ගැනීමේ සිද්ධියක් අලව්ව සහ පොල්ගහවෙල නගර අතර පිහිටි ගම්මානයකින් ලංකාදීපයට වාර්තා වේ.
සිද්ධිය මෙසේය.
කාන්තාවන්ට බැල්ම හෙලන මෙම පුද්ගලයා එම ප්රදේශයේ බින්න පවුල් ක්රමයට ජීවත් වන්නෙකි. කොළඹ ප්රදේශයේ රැකියාවක නිරත මොහු සති කීපයකට පසු නිවාඩු ලැබ නිවසට පැමිණෙන අතර එම ගමේ සහ අවට ගම්මානයේ නිවෙස්වල වෙසෙන කාන්තාවන්ට බැල්ම හෙලමින් ඔවුන්ගේ ක්රියාකාරකම් දෙස සැඟවී බලා සිටීම පුරුද්දක් කර ගත්තෙකි.
දිනක් ඔහු රාත්රියේ නිවසක පිටුපස සැඟවී සිටීමට පැමිණියේ නිවසේ කාන්තාවන්ගේ ක්රියාකාරකම් බලා සිටිනු රිසියෙනි. නිවසේ පිටුපස දෙසින් ඇසුණු විශාල ශබ්දයෙන් කලබලයට පත්වූ එම නිවසේ නිවැසියන් ඒ පිළිබඳව සොයා බැලීමේ අරමුණින් නිවස පිටුපස සෝදිසි කළද කිසිදු හෝඩුවාවක් එම ශබ්දය පිළිබඳ සොයා ගැනීමට නොහැකි විණි.
තවදුරටත් විදුලි පන්දම් එළියෙන් අවට සෝදිසි කරමින් සිටි නිවසේ ගෘහ මූලිකයාට ළිඳට උඩින් කොළ රොඩු වැටීම වැළැක්වීමට තමා විසින් දමා තිබූ මදුරු දැල සහ ලී කිහිපය නොමැති බව දැක ඔහු එයට කුමක් සිදු වූයේ දැයි සොයාබැලීම සිදුකළ විට ළිඳට එල්ල කර විදුලිපන්දම් එළියෙන් දුටුවේ මදුරු දැලත් සමඟ ළිඳට වැටී සිටින පුද්ගලයෙකි.
සිද්ධිය පිළිබඳ කරුණු වටහා ගත් ගෘහ මූලිකයා නිවෙස් හිමියන් හා අසල්වැසියන්ටද ඒ පිළිබඳව දන්වා ළිඳේ සිටි පුද්ගලයා ගොඩට ගෙන අද උඹට යස පාඩමක් උගන්වන්නම් යැයි පවසමින් ඔහුට පැන යාමට නොදී රඳවාගෙන එම පුද්ගලයා ලවා ළිඳ වතුර බාල්දියකින් ඇදීමට නියෝග කර එය අවසන් වූ පසු ළිඳේ මඩ අද්දවා ළිඳ පිරිසිදු කරගෙන ඇත.
ළිඳ පිරිසිදු කරන අතර අසල්වාසීන්ගේ දැනුම්වත් කිරීමෙන් එම රාත්රියේ සිද්ධිය දැක ගැනීමට ගමේ වැසියන් අඩකටත් වැඩි පිරිසක් එම නිවසට පැමිණ සිටි අතර ළිඳ පිරිසිදු කර අවසන් වන විට මධ්යම රාත්රියද ඉකුත්ව ගොස් තිබුණි.
ළිඳට ඇද වැටී එම නිවසේ කාන්තාවට බැල්ම දැමීමට පැමිණ ළිඳට ඇද වැටී ළිඳ ශුද්ධ පවිත්ර කළ අවසන් කළ පුද්ගලයා තවදුරටත් ගමේ රැඳී නොසිට පසුදා උදෑසන ගමෙන් පිටත්වන බසයෙන් කොළොම්පුර බලා පිටත්ව ගිය බවට එම බසයෙන් නගරය කරා ගිය ගම්වැසියෝ පැවසූහ.
(අලව්ව - ජයන්ත කුමාර දිසානායක)
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කතට බැල්ම හෙළා ළිඳත් ඉහින්න වෙලා