(දේවහුව - ප්රසාද් ජයකොඩි)
තම වෙළඳසැලේ නිතරම නැවුම් එළවළු අලෙවි කරන වෙළෙන්දෙකු ගැන සැක සිතූ එම ප්රදේශයේ එළවළු වගා කරන ගොවියෝ තම වගාවන් රාත්රී කාලයට මුර කරන්නට වූහ. එහිදී මේ පුද්ගලයා කොරටු වලින් සොරාගත් එළවළුත් සමඟ අතටම අසුවීමේ පුවතක් පහළවැව ප්රදේශයෙන් වාර්තාවේ.
මොහු තිදරු පියකු වන අතර වයස අවුරුදු 70 ඉක්මවා ඇති හෙයින් හතර පෝයටම සිල් ද සමාදන් වෙයි. නිතර ආගම දහම ගැන කතාකරන මොහු තම මුණුබුරු මිණිබිරියන්ට ද ආගම දහම අනුව ජීවත් වන්නැයි උපදෙස් දෙයි.
ප්රදේශයේ අනෙකුත් එළවළු වෙළඳසල් පසු කරගෙන ගොස් මොහුගේ වෙළඳසලෙන් එළවළු ගැනීමට පාරිභෝගිකයන් පුරුදු වී ඇත්තේ නිතරම නැවුම් එළවළු මෙහි අලෙවි කිරීමට ඇති හෙයිනි. ඔහු පාරිභෝගිකයන්ට නිතර පවසන්නේ තමන් නැවුම් එළවළු සාධාරණ මිලකට අලෙවි කරන බවයි.
ගමේ ඉලන්දාරි නිකරුණේ කාලය ගත කිරීම ගැන දැඩි කෝපයෙන් කතා කරන මොහු පවසන්නේ තරුණයින් ඉඳහිට හෝ සිල් සමාදන් වීමට හුරුවිය යුතු බවයි. එහිදී තමන් විසින් සිදු කරනු ලැබන වැරදි වැඩ තිබේ නම් ඒවාට හිත නොයන බවත් ඔහු කියයි.
මෙම නැවුම් එළවළු අලෙවි කිරීම පිළිබඳව ගමේ නොයෙක් කටකතා පැතිර තිබූ අතර ඒ සියල්ල යටපත් වන්නේ මොහු වසර ගණනක සිට සිල් සමාදන් වන බැවිනි.
ප්රදේශයේ එළවළු කොරටුවල අස්වැන්න තැනින් තැන අඩුවෙන බව දැනගත් ගොවියෝ රාත්රියේ තම එළවළු කොරටු මුර කරන්නට වූහ. දිනක් රාත්රියේ සුළු වර්ෂාවක් ද සමඟ එක් ගොවි මහතකුගේ කොරටුවේ කුඩා එළියක් තිබෙන බව දැක ඔහු කළුවරේම එම ස්ථානයට ළඟා වී ඇත.
එහිදී දැක ඇත්තේ හතර පෝයටම සිල් ගන්නා උපාසක මුදලාලි පාරිභෝගිකයන්ට නැවුම් එළවළු ලබා දීමට කොරටු වලින් එළවළු සොරාගන්නා අන්දමයි.
මොහු අතටම හසුකර ගැනීමෙන් පසු කිසිත් කර කියා ගැනීමට නොහැකිව ලැජ්ජාවට පත්වී කොරටු හිමියාගෙන් සමාව ඉල්ලමින් තමන් මෙවැනි වැඩක් කළ බව ගමේ කිසිවකුටත් නොපවසන ලෙසත් එය තමන්ට ලැජ්ජාවක් බවත් කියා ඇත.
සිද්ධියෙන් පසු පාරිභෝගිකයන්ට මුදලාලිගේ නැවුම් එළවළු වෙළඳාම රහසක් නොවන රහසක් වී ඇත.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
උපාසක වෙළෙඳාම මහ රෑ පත්තුවෙලා