(වියලුව වාර්තාකරු)
අලුත් අවුරුදු නැකතින් ලිප තැබූ කිරි මුට්ටිය ඉතිරුවේ නැතැයි කෝපයට පත් පුද්ගලයෙකු අවුරුදු සිරිත් විරිත් පසෙක තබා සිය බිරියට දිගට හරහට පහර දී ඇය රෝහල් ගත කළ බව කියවෙන පුවතක් කන්දකැටිය පොලිසියෙන් වාර්තා විය.
සිද්ධිය මෙසේය.
වැඩිවියට පත් දරුවන් සිටින පවුලකි. සිංහල අලුත් අවුරුදු චාරිත්ර වාරිත්ර නිසි පරිදි ඉටු කිරීමට සිතූ නිවැසි කාන්තාව සුබ නැකතට කිරි ඉතිරවීමට සූදානම් වූයේ සිය දරු පැටවුන්ටද ඒ ගැන කියා දෙමිනි.
ඒ වන විටත් කටගොන්නක් බීගෙන සිටි සැමියාද බිරියගේ කටයුතුවලට එහෙන් මෙහෙන් සහාය වූයේ අවුරුදු චාරිත්ර හරි හැටි ඉටුකිරීමේ අගය දරුවන්ට කියා දෙමිනි.
සුබ නැකතට අනුව කිරි ඉතිරවීමත් කිරි බත පිසීමත් එක වරම කළ යුතුයැයි සිතූ නිවැසි කාන්තාව සකස් කර ගත් කිරි මුට්ටියටම අවශ්ය හාල් ප්රමාණය ද එක්කර සුබ නැකතට ලිප තැබුවේ වැඩ දෙකම එකවර කර ගැනීමේ පහසුව තකාය.
දැන් සියලු දෙනා බලා සිටින්නේ මුට්ටියේ කිරි උතුරා පිටාර ගලන තෙක්ය. එහෙත් හාල් දැමූ කිරි මුට්ටිය උතුරන බවක් දක්නට නොලැබිණි.
ඒ වන විටත් නිවසේ සාලයේ වූ රූපවාහිනි යන්ත්රය ක්රියාත්මක වෙමින් තිබුණි.
රූපවාහිනී තිරයේ වූ කිරි මුට්ටියේ කිරි උතුරා පිටාර ගලා යන ආකාරය ද දැකගන්නට ලැබිණි.
එහෙත් සිය නිවසේ මුට්ටිය ලිප තබා අඩ හෝරාවකටත් වැඩි කාලයක් ගතව ඇතත් එය උතුරා නොයනු දුටු සැමියාගේ හිසට යක්ෂයා ආරූඪ වූවේ උන්හිටිතැන් පවා අමතක වෙමිණි.
“උඹට යකෝ කිරි මුට්ටියක්වත් උතුරවා ගන්න බැහැ” යැයි කෑ මොර දුන් ඔහු බිරියට හොඳටම තඩි බෑවේ සිය නිවැසියන්ගේද විරෝධතා නොසලකා හරිමිනි.
සැමියාගේ පහරකෑම්වලට ලක්ව බරපතළ තුවාල ලැබූ ඇය ඒ මොහොතේම රෝහල් ගත කෙරිණි.
අශෝභන ලෙස හැසිරෙමින් සිය බිරියට තඩි බෑ බවට චෝදනා ලැබූ ඔහු ඒ මොහොතේම පොලිස් අත්අඩංගුවට ගැනුණි.
බිරිය තවමත් රෝහලේය. ඔහු පොලිස් කූඩුවේය. ඔහුට විරුද්ධව නඩු පවරන බව ද පොලිසිය කීවේය.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අවුරුදු නැකතට කිරි මුට්ටිය වැඩ වරද්දා බිරිය රෝහලේ
dias Thursday, 18 April 2019 09:28 AM
ලංකාව අනාදිමත් කාලයක සිට නැකතට සියලු දේ කලත් තවමත් නොදියුණු, තුන්වන ලෝකයේ රටක් වෙලා තියෙන්නේ මෙවැනි මිනිසුන් නිසයි.
තුෂා Thursday, 18 April 2019 11:09 AM
වැඩිවියට පත් දරුවන් ඉදිරි පිට, රෝහල් ගත වෙන්න තරම් ගුටි බැට දුන්නා නම් , කිරි ඉතිරුනත් ,හැමදාම මේ බිරිඳට ගුටි බැට වලින් නම් අඩුවක් නැතුව ඇති. අර අහිංසක දරුවන්ට අවරුදු දවසේ හොඳ අවුරුදු තෑග්ගක් ලැබිල තියෙන්නේ.පව් අහිංසක දරුවන්!
sanath Thursday, 18 April 2019 05:45 PM
කිරි උතුරනකොට මුට්ටියට හාල් දමනවානම් කට ළඟටම පිරෙන්න කිරි දමන්න ඕනා.