(නිකවැරටිය – ප්රියානි මංගලිකා)
අලුතින් විවාහ වූ 59 වියැති කාර්යාල සහායකයාගේ අතගත් 21 හැවිරිදි තරුණ බිරිඳ, සැමියා ලවා සියලු රන් ආභරණ සාදවාගෙන, නිවසින් පැන යාමේ පුවතක් කුරුණෑගල දිසාවෙන් වාර්තා විය.
සිද්ධිය මෙසේය:-
කාර්යාල කාර්ය සහායකයෙකු ලෙස පාසලක සේවය කළ 59 වන වියේ පසු වූ මොහු අවිවාහකයෙකි. මේ වන තුරු මංගල යෝජනා කොතෙක් ආවද හිතට අල්ලන අයෙකු හමු නොවීම නිසා මෙතෙක් අවිවාහකව සිටි මොහු මවගේ වියෝවෙන් පසුව විවාහයක් පිළිබඳව සිහින මවමින් සිටියේය.
දන්නා හඳුනන කපු මහතෙකු හදිසියේම ගෙනා මංගල යෝජනාවකට මොහුගේ සිත ඇදී ගියේ මනාලියගේ ඡායාරූපය දුටු සැනින්මය. 21 වැනි වියේ පසු වූ රූමත් මනාලිය පෙර විවාහයෙන් දික්කසාද වූ තැනැත්තියක බවද ,දරුවන් නොමැති තැනැත්තියක බවද, කපු මහතාගෙන් මොහුට දැනගන්නට ලැබුණි.
කමක් නෑ කපු මහත්තයා ...ඔය කලින් දේවල් වලින් මට වැඩක් නෑ. කසාද බැඳලා මට හොඳින් සතුටින් ඉන්න ලැබුණොත් ඇති දෙයියනේ කියලා ” යැයි ඔහු කපු මහතා අමතමින් කීවේය.
පසුව දෙදෙනා කතා කරගත් පරිදි මනාලිය බැලීමට ඇගේ නිවසට යන්නට දිනයක්ද යොදා ගත්තේද සුබ නැකතකටද අනුවය. මනාල මහතා පාසල්ද නිවාඩු බැවින් නිවසට වී ගමනට සූදානම් වූයේ මහත් උජාරුවෙනි. තමන් මනාලියක බැලීමට යන බව අසල්වැසියන්ටද කිවේය.
මනාලිය බැලීමට යන දිනය උදාවිය, මනාලයා ඉතා ලස්සනට හැඳ පැළඳ, වටිනා කේක් එකක්ද ගෙන ගමනට පිටත් විය..දෙදෙනා දුර කතර ගෙවාගෙන මනාලියගේ නිවසට පැමිණි පසු මනාලියගේ මව්පියෝ අලුත් බෑනා හරසරින් පිළිගත්හ. මනාලයාද තම විස්තර කියමින් මහත් සතුටින් පසුවිය.
පසුව මනාලිය දැක බලා ගැනීමටද අවස්ථාව උදා විය. දෙදෙනා ගෙමිදුලට වී තනිව අදහස්ද හුවමාරු කර ගත්හ. මනාලිය මනාලයාට එක පයින්ම කැමැත්ත පළ කළාය.
මනාලයා නිවසට පැමිණියේ මහත් සතුටිනි.” ගමේ එකාලා හැමදාම මට නෝන්ඩි කතා කියනවා .දැන් ඉතිං මොනවා කියන්නද..? මගෙ කිරිල්ලී ගෙනාවම මුං ඉරිසියාවේ පැලෙයි.”මනාලයා තමාටම කියා ගත්තේ ඉහවහා ගිය සතුටිනි. දෙදෙනා දුරකතනයෙන් කතා කීරීමටත්, හමුවීමත් නිරන්තරයෙන් සිදු වී ඔවුහු පෙම්වතුන් බවටද පත්වූහ.
මනාලයා මෙතෙක් තමා ඉතිරි කරගත් මුදල් වලින් රුපියල් ලක්ෂ පහක් පමණ වැය කර තම ආදරවන්තියට අවැසි සියලු රන් අභරණ ද මිලදී ගෙන දුන්නේ ඇය කෙරේ තිබු දැඩි ආදරය නිසාමය. මනාලයාගේ සිහින සැබෑ කරමින්, නෑදෑ හිතවතුන්ගේද සහභාගිත්වයෙන් මනාලිය තම නිවෙසට කැඳවාගෙන ආවේ චාරිත්රානුකූල මංගල උත්සවයක්ද පවත්වමිනි.
පසුව තමා රැකියාව කරන පාසලේ ගුරුභවතුන් සියලු දෙනාටද විශේෂ සාදයක්ද පැවැත් වූයේ විශාල මුදලක්ද වියදම් කරමිනි. දෙදෙනා බොහෝ සතුටින් සතියක් ගතකළහ. එදින උදෑසන සැමියා අවදි විය. බිරිය පෙනෙන්නට නැති විය. සැමියා කලබලයෙන් වහා සොයා බලන්නට විය. බිරිඳ ඇගේ ඇඳුම් පැළඳුම් රන් ආභරණද, රැගෙන නිවසින් පලා ගොස් ඇති බව සැමියාට අවබෝධ විය. බිරිඳගේ මවුපියන්ටද මේ බව දැන්වීය.
පසුව සොයා බලද්දී බිරිඳ ඇගේ පෙර සැමියා සමග ගොස් ඇති බව දැන ගැනීමෙන් පසුව මහත් ලැජ්ජාවටත්, දුකටත් පත්ව. සිදු වූ අකරතැබ්බය පිළබඳව මහත් කනස්සල්ලෙන් සැමියා නිවසේ දොර ජනෙල් වසාගෙන නිවසට වී සැඟවී සිටියේලු.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අලුත් මනාලයා හදාදුන් රන් බඩුත් රැෙගන මනාලිය පරණ සැමියාත් සමග ගිහින්