(හසලක සුනිල්)
තමන්ගේ අදහසට අකමැති වූ අහල පහළ කාන්තාවකට පාඩමක් උගන්වන්නට ගොස් එම දඬුවම තම බිරිඳට අත්විඳින්නට සිදුවූ අපූරු සිදුවීමක් උඩදුම්බර පොලිස් වසමෙන් වාර්තා විය.
වාර්තාවෙන අන්දමට සිද්ධිය මෙසේය. ගොවිතැන් බත් කරගෙන ජීවත්වන ඔහු 36 හැවිරිදි විවාහක දෙදරු පියෙකි. අසල නිවසක පදිංචිව සිටින්නේ සැමියා මියගිය 31 වැනි වියේ පසුවෙන තරුණ තිදරු මවකි. සැමියා මිය යෑමෙන් පසු සහෝදර සහෝදරියන්ගේ උදව් උපකාරයෙන් සහ එදිනෙදා කුලියෙන් තම දරුවන් ජීවත් කරවීමේ සටනේ නියැළී සිටියත් ඇය වෙනත් කටයුත්තක් ගැන නොසිතුවේ එයින් දරුවන්ට අවැඩක් වේ යැයි සිතූ හෙයිනි.
ඇය පිළිබඳව අදහසක් පහළ වූ 36 හැවිරිදි අසල්වැසියා එය ඇයට විවිධ අවස්ථාවල ඉඟි බිඟියෙන් පැවසුවත් ඇය එයට ප්රතිචාරයක් නොදැක්වීම පිළිබඳව ඔහු සිටියේ ඇය හා සිත් අමනාපයෙනි. එහෙත් එම පවුලේ උදවිය හා මෙම පවුලේ උදවිය ඉතා ළඟින් ඇසුරු කළේය.
තම අදහසට එකඟ නොවන හෙයින් ‘උඹට හොඳ පාඩමක් උගන්වන්නන් කෝ’ යැයි තමන්ටම කියා ගත් ඔහු මෙදින සවස අසල ගමකට ගොස් ගමේ තිබූ කිතුල් ගසක ඇට කීපයක් සහ කහඹිලියා කොළ කීපයක් කඩා ගෙනැවිත් කොටා අඹරා ඒවා අසල්වැසි නිවසේ වැසිකිළිය මත ඇති ජල ටැංකියට කවලම් කළේ සාමාන්යයෙන් එම නිවැසි කාන්තාව සිය කටයුතු නිමකර රාත්රී 8ට පමණ දිය නාන බව ඔහු දන්න හෙයිනි.
කාටත් හොරා එම කටයුත්ත නිමා කර ඔහු කඩපිල දෙසට පිය නැගූ අතර ඔහුගේ බිරිඳ රාත්රී 7.30ට පමණ නිවසේ කටයුතු නිමකර ඇඟපත සෝදා ගැනීමට නාන කාමරයට ගියත් ඔවුන්ගේ ජල ටැංකියේ ජලය හිස්වී තිබීම නිසා අසල්වැසි නිවසට ගොස් කාරණය එම නිවැසි කාන්තාවට පවසා ඔවුන්ගේ නාන කාමරයට ගොස් අවශ්ය කටයුතු කරගෙන පිටතට පැමිණියා පමණි, ඇගේ මුළු ඇඟම කැසීමට පටන් ගත් නිසා ඒ බව එම නිවැසි කාන්තාවට පවසා ඇත. ඇය පැවසුවේ ජලයට මොනවා හරි මුසුවන්නට ඇති බවය. කැසීම නිසා පළු නැගී ඉදිමී තිබූ ස්ථානවලට නිවැසි කාන්තාව විසින් සුළු ප්රතිකාරයක් වශයෙන් පොල්තෙල් ගා තව නොබෝ වේලාවකින් තත්ත්වය සුව අතට හැරෙන බව පවසා ඇය දරුවෙකු සමඟ පිටත් කර යවා ඇත.
කඩයට ගිය ඔහු රාත්රී 9ට පමණ නිවසට එන විට බිරිඳ ඇඳ මතට වී කෙඳිරි ගාමින් ශරීරය කසමින් සිටින බව දැක ‘මොකද මේ’ යැයි විමසීමේ දී ඇය සිද්ධිය පවසනවාත් සමගම ඔහුට ඉහමොළ රත්විය.
අනුන්ට කැපූ වළේ තමන්ම වැටී ඇති බව දැන වහා නිවසේ තිබූ තෙල් වර්ගයක් ගෙන බිරිඳගේ ඇඟපුරා ගා ඇය සුවපත් කිරීමට අවශ්ය පියවර ගත්තේ මින් මතු නම් මෙවැනි නොහොබිනා වැඩ නොකරන බව තමන්ටම කියා ගනිමිනි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අනියම් පෙමට අකැමැති ළඳට ඇටවූ උගුලේ බිරිඳ වැටිලා