(පස්සර ගාමා වීරසිංහ)
නිවස ආසන්නයේදී හොල්මනකට බිය වූ පුද්ගලයකු කිලෝමීටර් දෙකක් පයිනුත් ගමන් කර ත්රිරෝද රථ දෙකකටත් කුලිය දී කිලෝමීටර් හයක දුරක් ගෙවා ගෙදරට ගිය පසු මුහුණ දුන් සිද්ධියකි මේ.
සිද්ධිය සැළවූයේ බදුල්ලට නුදුරු ගමකිනි. සිද්ධියට මුහුණ දුන් පුද්ගලයාගේ නිවෙසටම බදුල්ල නගරයේ සිට මාර්ග දෙකක් ඔස්සේ යා හැකිය. එක් මාර්ගයකින් කිලෝමීටර් දෙකක් පමණ ද අනෙක් මාර්ගයෙන් කිලෝමීටර් දෙකයි කාලක් පමණ ද දුරය. සිද්ධියට මුහුණ දුන් තැනැත්තා රැකියාව කරන්නේ බදුල්ලෙන් ඈත දුර බැහැර නගරයකය. ඔහු සෑම මසකම සිය වැටුප ද ලැබූ පසු නිවෙසට පැමිණෙන්නේය.
හොල්මන් අවතාර ගැන ද විශ්වාස කරන ඔහු දුක් මහන්සි වී ලබන වේතනය නිකරුණේ වියදම් කරන්නේ ද නැත. සිය වියහියදම් ද බොහෝ දුරට බිරියගේ නියෝගයන්ට අනුව සිදු කිරීමට බැඳී සිටින ඔහු ගමටම ප්රසිද්ධ අවංක සැමියෙකි.
ඉකුත් මාසයේ වැටුප ලබා කෙටි නිවාඩුවක් ද අනුමත කර ගත් ඔහු සිය ආයතනයෙන් පිටවූයේ බදුල්ලේ පිහිටි ගම් ප්රදේශයට යාමටය. ගෙදරට වුවමනා කරන දේ ද රැගෙන බොහෝ දුර ගෙවා බදුල්ල නගරයට පැමිණෙන විට රාත්රී 11.30 පමණ විය. නගරයේ සිට නිවෙස බලා යෑමට මේ වෙලාවට බස් රථයක් ද නොමැති නිසා පා ගමනින්ම නිවස බලා යාමට ඔහු අදිටන් කරගත්තේ රාත්රී ගමනකට ත්රිරෝද රථයකට අය කරන මුදල ද වැඩි නිසා එම මුදල ද ඉතිරි කර ගැනීමටය.
කෙටිම මාර්ගයෙන් නිවෙසට යාමට තීරණය කළ ඔහු නගරයේ සිට ප්රධාන මාර්ගයක් ඔස්සේ ගොස් කිලෝමීටර් කාලකට ආසන්න දුරක් අතුරු මාර්ගය ඔස්සේ යන විට ගමේ ජීවත් වූ පුද්ගලයකු දින කිහිපයකට පෙර මිය ගොස් ඇති බව ද මතකයට නැඟිනි.
අතුරු මාර්ගය අයිනේ වැට දෙසින් ඇසුණු ජර බර හඬකින් ඔහු තිගැස්සුනි. දුටු දෙයින් ඔහුගේ තොල කට වියැළී සුළු දිය පිටවන්නට ද ඔන්න මෙන්නය.
මල් වඩමක් ඉදිරියටත් පිටුපසටත් එහෙ මෙහෙ වන අයුරු දුටු ඔහු නැවත පස්ස නොබලාම ප්රධාන මාර්ගයටත් ප්රධාන මාර්ගය ඔස්සේ නගරය දෙසටත් යන විට නගරය දෙසට යන ත්රිරෝද රථයකට අත දිගු කර නැවත නගරයට ගියේ රුපියල් 300ක මුදලක් ද ගෙවාය. නැවත ගෙදර යාමට ඇති අනෙක් මාර්ගය ඔස්සේ වෙනත් ත්රිරෝද රථයකින් රුපියල් 300ක් ගෙවා නිවෙසට ගොස් සිදුවූ පුවත බිරියට ද දරුවන්ට ද සැළ කළේ සුමානෙකට ඉහත මැරුණ කෙනා මල්වඩමක් ද රැගෙන වැටෙන් එබිකම් කළ බව පවසමිනි.
සිය සැමියා දුටුවා යැයි කියූ දේ උදෑසනම බිරිඳ විසින් මුළු ගමටම පැතිරුවේ ලොකු කුඩා සියල්ල භීතියට පත්කරමිනි.
සිද්ධිය ගමේම පැතිරී පැය දෙක තුනකට පසු ගමෙහි ගවපට්ටියක ගවයකුගේ බෙල්ලේ පටැල වී තිබුණු මල් වඩම ද රැගෙන සිද්ධිය වූ තැනැත්තාගේ නිවස දෙසට ගව හිමියා ගියේ කොක් හඬලා සිතා සෙමින් ගමේ අයගේ ද සිනහව සමඟිනි.
හඳයාගේ බෙල්ලට වැටී තිබුණු මල්වඩම ඉවත් කර ගැනීමට රැයක් පහන් වනතුරු වැට ද උපකාර කර ගනිමින් හඳයා දැරූ උත්සාහය අසාර්ථක වී තිබූ බව ගව පට්ටි හිමිකරු ගමේ අයට පැවසුවාලු.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හොල්මනකට බයවී කිලෝමීටර් දෙකක් ත්රිරෝද රථ දෙකකින් ගිහින්