වසර 7ක් ජීවත් වූ 26 හැවිරිදි තම සැමියා හා සිව් හැවිරිදි දියණිය හැර දමා මුහුණ ුපොතෙන් හඳුනා ගත් 45 හැවිරිදි විවාහකයෙකු සමගින් දිවිගෙවීමට ගිය 25 හැවිරිදි එක්දරු මවක පිළිබඳව කිරිඳිවැල පොලිසියෙන් වාර්තා විය.


කලක් පැවති පෙම් සබඳතාවකින් පසුව විවාහ වී වසර හතක කාලයක් සැමියා හා දියණිය සමඟ කුරුණෑගල ප්‍රදේශයේ ජීවත්ව සිටි මෙකී එක්දරු මව ජංගම දුරකතනය ඔස්සේ මුහුණු පොතට අබ්බැහිවීම මෙයට ප්‍රධාන හේතුව බව ඇයගේ සැමියා පොලිසියට කළ පැමිණිල්ලේ සඳහන්ව ඇත.


අවස්ථා කිහිපයකදීම හොඳින් මේ ගැන අවවාද කළත් එය නොපිළිගත් ඇය හිටිහැටියේම පැපිලියවල ප්‍රදේශයට පැමිණියේ තම 45 හැවිරිදි මුහුණු පොතේ මිතුරා සොයාගෙනය. දින සති ගණන් ගතවුවත් තම බිරිඳ නොපැමිණි නිසා තම දියණිය මව ගැන නිතර නිතර විමසීමත් නිසා තම බිරිඳ ගැන තොරතුරු සොයා අවසානයේදී සැමියා කිරිඳිවැල පොලිසියට පැමිණිලි කළේය. 


පසුව පොලිසිය දෙපාර්ශවය ගෙන්වා ළමා හා කාන්තා කාර්ය්‍යංශයේදී පැමිණිල්ල විභාග කළේය. තම 45 හැවිරිදි අනියම් සැමියා අත්හල නොහැකි බව කාන්තාව කියා සිටීම නිසා මුල් සැමියා දරුවාද සමගින් කුරුණෑගල බලා කලකිරුණු සිතින් යුත්ව යන්නට ගියේය.
(කිරිදිවැල - උපාලි රණවීර)