මුදල් ගනුදෙනුවකදී රුපියලක් බේරාගැනීමට ගිය පාරිභෝගිකයකු අතපය කඩාගෙන තම ජීවිතය අනූ නවයෙන් බේරාගත් පුවතක් පසුගියදා අසන්නට ලැබුණේ දකුණු පළාතේ උපනගරයකිනි.

වෙළෙඳසලෙන් සිල්ලර බඩු මිලදී ගැනීමෙන් පසු අසල පදික වේදිකාවේ වූ පොල් ගොඩෙන් ගෙඩියක් තෝරාගෙන මුදල් ගෙවීමට යාමේදී ඔහුගේ අතින් ගිලිහුණු රුපියලේ කාසියක් මහ මග දිගේ පෙරළී යාමත් සමඟ ඔහු මහ මග මැදට පැන්නේ එය ආපසු ගැනීමටය.

ඒ සමඟම වේගයෙන් ආ යතුරුපැදියක් ඔහුගේ ඇගේ හැපී ලොකු අනතුරක් වූ අතර ඔහුගේ අතට මෙන්ම පයට ද විශාල හානියක් සිදුවිය.

අවට සිටියවුන් වහ වහා ඉදිරිපත්ව ඔහු රෝහල්ගත කළ අතර ඒ වනවිටත් ඔහුගේ අතේ ගුලිකර ගත් රුපියලේ කාසිය දැකීමෙන් සමහරුන්ට මහත් සංවේගයක් ඇති වුණාලූ.

(තිහගොඩ උපසේන ලියනගම)