ගම්වල ග්‍රීස් යක්කු අදත් සිටින වග ඇත්තකි. අද ඉන්නේ මතින් සිත කිලිටි කරගත් නරුම වෙස්ගත් වියරු වැටුණු ග්‍රීස් යක්කුය.
ග්‍රීස් යකෙකු නිසා නිකවැරටියේ ගම්වාසීන්ද සිටියේ බියෙනි. සැකයෙනි.


මේ ග්‍රීස් යකා රාත්‍රී කාලයේ ගමපුරා යමින් කාමරවලට එබිකම් කළේ කලක සිටය.


රාත්‍රී වැඩ මුරයට යන සැමියා රෑ වැඩ කරන අතර කල්පනා කළේ ගමේ සැරි සරන ග්‍රීස් යකා ගැනය.


නිවසේ නිදා සිටින දියණියන්ගේ කාමරවල දොරගුළු දමා ඇද්දැයි මවත්, පියත් මහරෑ පවා නැගිට බලන්නට පුරුදු වූයේ මෙකී ග්‍රීස් යකා නිසාය.


කාන්තා යට ඇඳුමක් බැරිවෙලා හෝ මිදුලේ වැලක දමා තැබීමට ද බැරි තරමට මේ අසහනකාරයා ගමම බියගන්වා තිබිණි.


සුරූපි දියණියන් දෙදෙනකු නිදා සිටින කාමරයේ ජනේලය අසලින් ශබ්දයක් නැගිණි. නින්දත් නොනින්දත් අතර උන් පියා නැගිට කළුවරේම එළියට බැස ගියේ පොල්ලක් අතේ තබාගෙනය. ඉණේ ගසාගෙන සිටි විදුලි පංකාවෙන් ‘ග්‍රීස්’ යකා අතටම හසුවිණි.


‘අනේ මාමේ... මම මම’ ගමම අවිදි වූයේ රෑට රෑට ගමේ සැරිසරන ග්‍රීස් යකා අල්ලාගත් ආරංචියටය.


තදින්ම ගංජාවලට ඇබ්බැහිවී සිටි ‘ග්‍රීස් යකා’ ගේ මානසික අසහනය දුරුවෙනතුරු සලකා පොලිසියට බාර දුන්නේ ගමේ කාටත් සැනසිල්ලක් එක්කරමිනි.
(නිකවැරටිය ප්‍රියානි මංගලිකා)