(වැලිමඩ කේ.ආර්.රාජමන්ත්‍රී)
නැන්දනියගේ අවසන්කටයුතුවලට සහභාගීවු ඥාති ලේලිය විසින් නිවසේ තිබූ රුපියල් 15,000ක් පමණ වටිනා බිස්කට් තොගයක් සොරාගෙන ගිය පුවතක් වැලිමඩ නගරයට ආසන්න ගම්මානයකින් අසන්නට ලැබිණි.
 
දැනගන්නට ඇති ආකාරයට සිද්ධිය මෙසේය.
 
වැලිමඩ දඹවින්න ගම්මානයේ උපන් ඇය විවාහයෙන් පසු ඌව-පරණගම ප්‍රදේශයේ ගම්මානයක ජීවත්වූවාය. 80 වැනි වියේ පසුවූ එම කාන්තාව දඹවින්න ගම්මානයේ පිහිටි නිවසේදී පසුගිය දිනකදී මියගියාය.
 
මෙම පුවත  සැළවු සැණින් ඥාති හිතවතුන් අවසන් ගෞරව දැක්වීමට නිවසට පැමිණෙන විට විවිධ වර්ගයන් සහිත බිස්කට් පෙට්ටිද රැගෙනවිත් තිබේ.
 
නිවෙස් හිමියගේ එකම සහෝදරියද බදුල්ල ස්ප්‍රීන්වැල්ල ප්‍රදේශයේ සිට තම සැමියා සහ පුතා ද සමග අවසන් ගෞරව දැක්වීමට සහභාගිවී තිබේ. අවසන් කටයුතු සඳහා මෘත ශරීරය ආදහනාගරයට රැගෙන යද්දී, බදුල්ල ස්ප්‍රීංවැලි ප්‍රදේශයේ සිට පැමිණ සිටි කාන්තාව සහ ඇගේ සැමියා නිවසේ ආරක්ෂාවට යැයි කියා නතරවී ඇතැයි කියති. එදින  රාත්‍රිය ආරම්භ වෙද්දී සැමියාත්, පුතාත් ආපසු තම ගම කරා ගොස් ඇත. කාන්තාව පසුදින උදැසන පිටව ගොස් තිබේ. 
 
මේ අතර නිවැසියන් බිස්කට් වර්ග තැන්පත්කර තිබුණ කාමරයේ දොර විවර කරද්දී එම කාමරයේ තිබුණ බිස්කටි පෙට්ටි අතුරුදන්ව ඇති බව දැක විපරම් කිරීමේදී නිවසේ ආරක්ෂාවට නතරකර ගිය සහෝදරිය බිස්කට් පෙට්ටි 20ක් පමණ හොර රහසේ තම සැමියා සහ පුතා මගින් පිටත් කර තිබිණි.
 
ඉන්පසු ඇය පසු දින උදැසන කිසිදු වෙනසකින් තොරව තමන් පදිංචිව සිටින ස්ප්‍රීංවැල්ල කරා ගොස් ඇති බව තහවුරුවීමෙන් පසුව නිවැසියන් ඔවුන්ගේ දුරකතයට ඇමතුම් ගත්තද එයට ප්‍රතිචාර නොදැක්වූ බව දැනගන්නට ඇත.