(වෙන්නප්පුව - රවින්ද්‍ර ලියනගේ)

තරුණ කාන්තාවකගේ නිරුවත් පින්තූර ලබාගෙන එය සමාජජාල වෙබ් අඩවියට මුදා හරින බවට තර්ජනය කළ පුද්ගලයකු කාන්තාවගේ නිවෙසට ගෙන්වා ගෙන පහරදීමේ සිද්ධියක් සම්බන්ධයෙන් තරුණ අඹු-සැමි යුවළක් පෙරේදා (7) අත්අඩංගුවට ගත් බව වෙන්නප්පුව පොලිසිය කියයි. අතින් පයින් පහරදීමෙන් තුවාල ලබා ඇති පුද්ගලයා මාරවිල මූලික රෝහලට ඇතුළත් කර ඇති අතර ඔහුගේ තත්ත්වය බරපතළ නොවන බව රෝහල් ආරංචි මාර්ග පවසයි. මොහු දඹුල්ල ප්‍රදේශයේ පදිංචිකරුවකු බවට හඳුනාගෙන තිබේ.

කාන්තාව මුහුණුපොතෙන් දඹුල්ල ප්‍රදේශයේ තරුණයකු හඳුනාගෙන ඇති අතර ටික කාලයක් ඇසුරු කිරීමෙන් අනතුරුව කාන්තාව තරු- ණයා නිවසට ගෙන්වාගෙන අනියම් ඇසුරක් පවත්වාගෙන ගොස් තිබෙන බවට අනාවරණය වී ඇති බව කීය. ඒ අතරතුර කාන්තාවගේ නිරුවත් ඡායාරූප ද ජංගම දුරකතනයෙන් ලබාගෙන එම ඡායාරූප අන්තර්ජාලයට මුදාහරින බවට කාන්තාවට එම පුද්ගලයා විසින් වරින්වර තර්ජනය කර ඇති බව ද පොලිසිය කියයි. මෙම සිද්ධිය කාන්තාවගේ සැමියාට ආරංචි වීමත් සමග දෙදෙනා අතර ආරවුලක් ඇති වී ඇති බවත් අනතුරුව බිරිය ලවා තරුණයාට දුරකතන ඇමතුමක් දී සිය නිවසට ගෙන්වා ගෙන කාමරයක සිරකර තරුණයාගේ ජංගම දුරකතනයේ තිබූ නිරුවත් පින්තූර මකා පහර දී ඇති බව පරීක්ෂණවලදී අනාවරණය වූ බව පොලිසිය කියයි.

පහරදීමේ සිද්ධියට සම්බන්ධ සැකකරු හා ඔහුට අනුබල දුන් කාන්තාව පොලිස් අත්අඩංගුවට ගෙන ඇති අතර පහර කෑ පුද්ගලයා ද අත්අඩංගුවට ගැනීමට කටයුතු කරන බව පොලිසිය කියයි. අත්අඩංගුවේ සිටින දෙදෙනා මාරවිල මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි. වෙන්නප්පුව මූලස්ථාන ප්‍රධාන පොලිස් පරීක්ෂක එල්.බී. අබේරත්න මහතාගේ උපදෙස් ඇතිව විවිධ පැමිණිලි අංශයේ ස්ථානාධිපති පොලිස් පරීක්ෂක ප්‍රසාද් ලියනගේ සහ උප පොලිස් පරීක්ෂක රාජපක්ෂ යන මහත්වරු