මොහු පදිංචි ගම්පහ ප්රදේශයේ ගමකයි.
සතුන්ට කිසිම දවසක කරුණාවක් නොදැක්වූ ඔහු වත්ත අහලකටවත් බළලෙකුට ඒමට ඉඩ දුන්නේ නැත.
මොහුට සිටියේ එකම එක දියණියකි. ඇයට පණ මෙන් ආදරය කළ ද, මොහුගේ නරක පුරුද්ද බවට පත්ව තිබුණේ හවසට හවසට හීනියට අඩි ගැසීමය.
අඩියක් ගැසූ පසු මොහුට හොඳ නරක තේරෙන්නේ නැත.
ඇඟ රත්කරගෙන සිටින මොහොතක බළලෙකු ගෙට රිංගා සිටියොත් ඒ සතාට යන්නට වන්නේ මළවුන් අතරටය. ඒ තරමටම මොහු බළලුන්ට අකාරුණික මන්දැයි ගමේ කිසිවකුට වටහාගත නොහැකිව තිබිණි.
බළලෙකුගේ ඥාව් ඥාව් හඬ මොහුට නයාට අඳු කොළ බඳු විය.
“බළලුන් මොන තරම් සුරතල් ද? තාත්තේ අපිත් පූස් පැටියෙක් ගේමුකෝ” කුඩා කල සිට දියණිය ඉල්ලූ ඉල්ලීම කිසිදා ඉටුවූයේ නැත.
දැන් මේ දියණිය හිරිමල් යොවුන් වියේය. පිටරට රැකියාවක සේවය කරන තරුණයකු ඇයගේ සිත දිනාගත්තේ මීට වසරකට පමණ පෙර ය.
ඔහු ඇයට තෑග්ගක් එවා තිබුණේ මීට සති දෙකකට පෙරාතුවය.
පසුගිය දිනක දියණියගේ කාමරයේ ඇඳ යටින් බළලෙකු ඥාව් ඥාව් කියන හඬ ඇසී ඇඟ රත්කරගෙන සිටි පියා දිව ආවේ පොල්ලක් ද අමෝරාගෙනය.
චිප් චිප් කියා පන්නා දැමුව ද බළලාගේ ඥාව් ඥාව් හඬ එන්න එන්නම වැඩි විය.
කෝපයට පත් පියාගේ පොලු පහර එල්ලය බලා ගමන් ගත්තේ ඇසිල්ලෙනි.
මුළු කාමරය පුරා විසිරී ගියේ ලේ නොව, ප්ලාස්ටික් කැබලි හා ජංගම දුරකතනයක කොටස්ය.
දියණිය දිව එන විට සියල්ල නිම වී තිබිණි.
“තාත්තේ රුපියල් ලක්ෂයක් වටිනා මගෙ ෆෝන් එක” දියණිය හඬද් දී පියාගේ වෙරි සිඳී ගියේ සංසාරගත බළල් වෛරය ලක්ෂයකට ලංසු කරමිනි.
(ශිරාන් රණසිංහ)
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
දකුණේ රාජ්ය අනුග්රහය ලබන එක්තරා ආයතනයක “සර්” කියා ගැනීමට මහත් ගිජුකමක් දැක්වූ නිලධාරියකුගෙන් තමාගේ කටයුත්ත ඉටු කර ගැනීමට ලිපියක් ලියා ඒ තුළ සර් යය
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
‘ඥාව්වාට’ බයවෙලා ලක්ෂයක් කුඩුවෙලා