(සිටිනාමළුව - අනීෂා මානගේ)
හම්බන්තොට දිස්ත්රික්කයේ මුහුදට ආසන්න නගරයක සතිපොළක සිදුවූ අර්තාපල් ගෝනි සොරකමක් සම්බන්ධයෙන් හොරාගේ අම්මාගෙන්ම පොලිසියට ඔත්තුවක් ලැබුණු පුවතක් වාර්තා විය.
එම සිද්ධිය සැකෙවින් මෙසේය.
හම්බන්තොට දිස්ත්රික්කයේ මුහුදට ආසන්න නගරයකි. සති පොළ පැවැත්වෙන්නේ බදාදා සහ ඉරිදා දිනයන්වලදීය. බදාදා සහ ඉරිදා දිනවල වෙළඳාම් කිරීමට ගෙනෙන භාණ්ඩ පොළ පැවැත්වීමට පෙර දින රාත්රී කාලයේ පොළ භූමියට ගෙන ඒමට වෙළෙන්දෝ පුරුදුව සිටිති. බදාදා දින සතිපොළෙහි අලෙවි කිරීමට භාණ්ඩ ගෙන එන්නේ අඟහරුවාදා රාත්රී කාලයේය. අර්තාපල් වෙළෙන්දෙකු එලෙස අර්තාපල් ගෝනි කිහිපයක් ගෙනැවිත් පොළ භූමියේ දමා තිබිණි.
මෙය දුටු මිතුරන් දෙදෙනකුට සිත් පහළ වූයේ අර්තාපල් ගෝනි කිහිපයක් සොරකම් කර තමන්ටත් වාසියක් ලබා ගැනීමටය. කාලයක පටන් සොරකම පුරුදු වූ මිතුරන් දෙදෙනාට අර්තාපල් ගෝනි තුනක් සොරකම් කිරීම එතරම් අපහසු වූයේ නැත.
තමන් ගෙනා අර්තාපල් ගෝනි කිහිපයක් යමකු විසින් සොරකම් කර ඇතැයි පසුදින පොලිසියට පැමිණිලි කළේ අර්තාපල් වෙළෙන්දාය. පැමිණිල්ලට අනුව පොලිසිය සොරා සොයන්නට කටයුතු කළේය. මෙවැනි වර්ගයේ සොරකම් කරන්නේ කවුරුන්දැයි දන්නා පොලිස් නිලධාරීහු ඔවුන් එකිනෙකා සොයා විපරම් කරන්නට වූහ.
සොරකම් කිරීම හේතුවෙන් කිහිප වාරයක්ම පොලිසියෙන් බැට කෑ මිතුරන් දෙදෙනාද සොයා යන්නට නිලධාරීහු අමතක නොකළහ. සොරුන් වුවත් ඇතැම් සිද්ධීන්වලදී පොලිසියට ඔත්තු සපයන්නේ මොවුන් දෙදෙනා වීම නිසා නිලධාරීන් සමඟ මොවුහු තරමක මිතුරු බවක්ද දක්වති.
පොලිස් නිලධාරීන් දෙදෙනා ත්රිරෝදයෙන් එක් මිතුරකුගේ නිවසට පිටත් විය. නිවෙසට යන විට එහි සිටියේ මිතුරාගේ මව පමණි. පුතා කොයිදැයි විමසූ විට ඇය පවසා ඇත්තේ අඩු මුදලකට අර්තාපල් ගෝනි කිහිපයක් ලැබී ඇති නිසා ඒවා විකුණන්ට පුතා පිටත්ව ගිය බවයි. මවගෙන් ඔත්තුව ලැබිණි. නිලධාරීන් දෙදෙනා නැවත ත්රිරෝදයෙන් පිටත් වන විට පාරේ රස්තියාදු වෙමින් සිටි මිතුරා දුටුවේය. මිතුරුකමින් ඔහු අමතා ත්රිරෝදයේ නංවාගෙන ඔහුගේ මිතුරා හමුවීමට තිදෙනාම ගියහ. මිතුරාද ත්රිරෝදයට නංවාගත් ඔවුන් ඉක්මන් ගමනින් පිටත් වූයේ පොලිසියටය. අර්තාපල් ගෝනිවල සොරකම වමාරන්නට මිතුරන් දෙදෙනාට ඉන් අනතුරුව සිදුවිය.
මවගෙන් ලද ඔත්තුව නිසා පුතාත් ඔහුගේ මිතුරාත් අර්තාපල් සොරකම සම්බන්ධයෙන් අත්අඩංගුවට පත්විය.
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
දකුණේ රාජ්ය අනුග්රහය ලබන එක්තරා ආයතනයක “සර්” කියා ගැනීමට මහත් ගිජුකමක් දැක්වූ නිලධාරියකුගෙන් තමාගේ කටයුත්ත ඉටු කර ගැනීමට ලිපියක් ලියා ඒ තුළ සර් යය
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හොරාගේ අම්මාගෙන් හොරාගැන පොලිසියට ඔත්තුවක්