(නිකවැරටිය ප්රියාණි මංගලිකා)
සැමියා විදෙස්ගතව සිටින තරුණකාන්තාවක් කුඩා දියණියන් දෙදෙනා ද සමග රාත්රියේ නිදා සිටියදීම නිවසේ විදුලි මීටරයෙන් නැගුණු අනතුරුදායක ශබ්දයක් හේතුවෙන් සිදුවූ අකරතැබ්බයක් පිළිබඳව පුවතක් නිකවැරටියට ආසන්න පෙදෙසකින් වාර්තා විය.
සිද්ධිය මෙසේය. මෙම කාන්තාව රාත්රියේ තම කුඩා දියණියන් දෙදෙනා ද සමග සුපුරුදු ලෙස නින්දට ගියාය. එහෙත් මැදියම් රැයේ ඇය අවදිවන්නේ නිවසේ විදුලි මීටර් පෙට්ටියෙන් නැගුණු අමුතු ශබ්දයක් හේතුවෙනි. කාන්තාව එම ශබ්දයට කන්දීගෙන සිටියාය. එන්න එන්නම එය අනුරුදායක ශබ්දයක් බවට පත්වන බව එම කාන්තාවට හැඟුනි. බියට පත් වූ කාන්තාව නිදා සිටි දියණියන් දෙදෙනා ද අවදි කරවාගෙන ගෙයින් පිටව මිදුලට බැස බලා සිටියාය.
ඇසෙන ශබ්දයේ ද අඩුවක් නොවිණි. ඇති වී තිබෙන අනතුරුදායක තත්ත්වය පිළිබඳව ඇය විදුලිබල මණ්ඩල හදිසි ඇමතුම් අංකය ද ඇමතුවාය. කොයි මොහොතක හෝ නිවස ගිනිගෙන දැවී යනු ඇතැයි ඇයට වරින් වර සිතෙන්නට විය. ඇසෙන ශබ්දයේ නැවතීමක් ද නැත. කර කියා ගත හැකි දෙයක් නොවූයෙන් ඇය දරු දෙදෙනා ද සමග හඬමින් අසල්වැසි නිවසකට ගොස් තම නිවසේ ඇති වී තිබෙන අනතුරුදායක තත්ත්වය පැවසුවාය.
කලබලයට පත් අසල්වැසියන් නිවසට පැමිණියේ සිදුවී ඇති තත්ත්වය පිළිබඳව සොයා බැලීමටය. මොහොතක් ශබ්දය වෙත කන් යොමාගෙන සිටි තරුණයා විදුලිය මීටරය පිරික්සන්නට විය. පසුව ඔහු සිනාසෙන්නට විය.“මේක ඇතුලේ ඉන්නේ හූනෝ දෙන්නෙක්. අක්කා බය නැතුව දරුවො දෙන්නත් එක්ක නිදාග න්න” යැයි තරුණයා කීවේය. අසල්වැසියන් නික්ම ගිය පසු කාන්තාව සුසුමක් හෙළා “අම්මේ මං බයවුණ තරමක්” කියමින් දරු දෙදෙනා ද සමග නිදා ගන්නට සූදානම් වූවාය. මේ වනවිට වේලාව අලුයම හතර ද පසුවී තිබුණි. නිවස ඉදිරිපිට නැවත් වූ වාහනයක් නළාව නාද කරන්නට විය. “අපි විදුලිබල මණ්ඩලයෙන්”. කාන්තාව වහා දොර විවෘත කළාය. “මොකක්ද ප්රශ්නේ?” නිලධාරියෙක් විමසීය. කාන්තාව සිදු වූ දෙය වසන් කර විදුලිය මීටරය දෙසට අත දිගුකර වරින් වර ශබ්දයක් ඇසෙන බව කීවාය. පැමිණි නිලධාරීහු වහ වහා එය පරීක්ෂාවට ලක් කළහ. “කිසිම ප්රශ්නයක් නෑනේ” කියූ නිලධාරීහු ද පිටව ගියහ. සිද්ධියෙන් මහත් ලැජ්ජාවට පත් වූ කාන්තාව නිවසේ දොර වසා ගත්තේ හෙට දිනයේ මෙම කතාව ගමපුරා පැතිර යාදැයි යන දෙගිඩියාවෙනි.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හූනෝ දෙන්නෙක් ගමක්ම කලඹලා