(හසලක වාර්තාකරු)
රාත්රී කාලයේ නිවෙස්වලට ගොස් ජනෙල්වලින් එබී බලා කාන්තාවන් බය කරනු ලැබූ භූතයෙකු සෙරෙප්පුවකින් හඳුනා ගැනීමට කාන්තාවකට හැකි වූ සිද්ධියක් හසලක ගම්මානයකින් වාර්තාවෙයි.
සිද්ධිය මෙසේය.
හසලක පොලිස් වසමේ පිහිටි මෙම ගම්මානය දුෂ්කර ගම්මානයකි. කෘෂිකර්මාන්තයෙන් දිවි ගෙවන ගමේ පදිංචි බොහෝ ගෘහමූලිකයින් කෘෂිකාර්මික කටයුතු නිමාවීමෙන් පසු විවිධ ප්රදේශවලට ගොස් රැකියා කර අමතර ආදායමක් සොයා ගැනීම සාමාන්ය පුරුද්දකි.
ගෘහමූලිකයා එලෙස පිටත රැකියාවට ගිය පසු නිවසේ තනිවන්නේ බිරින්දෑවරු සහ දරුවන් පමණි. මෙලෙස සැමියන් නොමැති නිවාසවලට රාත්රී කාලයේ පැමිණ හොල්මන් කරන භූතයෙකු පිළිබඳව ගැමියන් අතර කතා බහකට ලක්වී තිබිණි.
තරුණ බිරින්දෑවරුන් සිටින නිවාස විශේෂයත්වයක් විය. රාත්රී 8ත් 9ත් අතර කාලයේ නිවෙස්වලට යන භූතයා නිවසේ විවෘත කර ඇති ජනේලවලින් නිවැසි කාන්තාවන් දෙස හෝ තරුණ දරුවන් දෙස බලා සැනෙකින් දිවයන බව කියති.
මෙදින තරුණ කාන්තාවක් රාත්රී කාලයේ නිවසේ කාමරයට වී ඇඳුම් මාරු කරමින් සිටින විට කාමරයේ ජනේලය අසල කිසියම් අයෙකු ගැවසෙන අයුරු දැක ගන්නට ලැබි තිබේ. “මොකාද මේකරක් ගහන්නේ. ඒයි කවුදෝ කෙනෙක් මෙතන ඉන්නවා පොල්ලක් අරගෙන ඉක්මනට එන්නකෝ.” කියා සැමියාට කතාකරන අයුරින් ඇය සෙමින් කතාකර ඇත. ඒ සමඟම භූතයා පලාගොස් තිබේ.
පසු දින සුපුරුදු පරිදි ඇය නිවසේ මිදුල අතුගාමින් සිටින විටදි දැක ගැනිමට හැකිවූයේ තීන්ත ගෑවුණු රබර් සෙරෙප්පු දෙකක් මිදුලේ තිබෙන අයුරුයි. මෙවැනි සෙරෙප්පු තම දරුවන් හෝ සැමියා පාවිච්චි නොකරන හෙයින් කාගේ දැයි සිතමින් සිටින විට අසල නිවසක පදිංචි වැඩිහිටි කාන්තාවක් කිසියම් අවශ්යතාවකට මේ නිවසට පැමිණ තිබේ.
පෙරදින රාත්රියේ සිදුවීම සහ උදේ හමුවූ සෙරෙප්පුදෙක ගැන නිවැසි තරුණිය අසල්වැසි කාන්තාවට පවසා ඇත. එම සෙරෙප්පුදෙක දුටු අසල්වැසි කාන්තාව පැවසුවේ “ආ මේක අර මල්ලිගෙනේ මේ තියෙන්නේ තීන්ත පාරවල් එයා කරන්නේ ගෙවල් වල තීන්ත ගාන එකනේ. ඕකා තමයි එහෙනම් මිනිස්සු නැති ගෙවල්වලට රෑට රෑට ඇවිත් හොල්මන් කරන භූතයා.” කියා පවසා ඇත. පසුව ඇය මම ඕකට හොඳ වැඩක් කරන්නම් කෝ කියා සෙරෙප්පු දෙකත් ගෙන ගමේ කඩ පිලට ගොස් එතන සිටි ගැමියන්ට පෙන්නා “මෙන්න අපේ ගමට රෑට ඇවිල්ලා හොල්මන් කරපු භූතයා” කියා රැගෙන ආ සෙරෙප්පු දෙක කඩේ අසල ගහේ එල්ලා තැබුවාය.
එදිනෙන් පසු හොල්මන ගමෙන් අතුරුදන් වූ බව ගමේ අය දැනගත්තේ ගමේ නිවාස වල තීන්ත ගාන තරුණයා ගමේ නැති බව දැන ගැනීමෙන් පසුය.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සෙරෙප්පුවක් භූතයෙක් පන්නා දමලා
sampath Thursday, 17 September 2020 05:13 PM
ගම්වල දුප්පත් තරුණයින් මෙවැනි පීඩාවන්ගෙන් දුක් විඳීම නිසා අන් අයටත් කරදර වෙනවා. කෙසේ වෙතත් මෙවැනි අයට දරුණු ලෙස පහරදීම් සිදුවෙනවා. ඔවුන්ගේ මානසිකත්වය තේරුම් නොගෙන..