දකුණු පළාතේ උප නගරයක වූ බස් නැවතුමකි. සෙනසුරාදා දිනයක් වූයෙන් වැඩි සෙනඟක් නොවූවත් උපකාරක පන්තිවලට යන සිසුහු කීප දෙනෙක් සිටියහ. බසයක් එනු දුටු එක් සිසුවෙක් ‘ඔන්න යකාගේ බස් එක එනවා. මම නං ඒකට නගින්නේ නෑ’ කීය. තවත් සිසුවකු කීවේ ‘යාමට වෙනත් බසයක් නාවොත් තමා ගෙදර යනවා මිස මෙහි නොයන බවයි’. 

බස් නැවතුමේ සිටි මාණ්ඩලික නිලධාරියකු ලෙස සිතිය හැකි කෙනකු බසයට නැග ගත් අතර බසය වේගයෙන් ඇදී ගියේ පාර පුරා කර කැවෙමිනි. මොහොතකට පසු බස්නැවතුම්පොළක් අසල දී තිරිංග තද කලෙන් හිට ගෙන සිටි මගීන් කීප දෙනෙකු එකා පිට එකා වැටුණේ බලාපොරොත්තු නැති අයුරින් තිරිංග තද කිරීම නිසාය. 

‘මේක මාර ගමනක් නේ’ නිලධාරියා අසල සිටි කිසිවකුට කී විට ඔහු කීවේ ‘බොහෝ දෙනා මේ බසය යකාගේ බස් එක ලෙස හඳුන්වන්නේ මේ අනනතුරුදායක ගමන නිසා’ බවයි. මේ රියැදුරා කලින් සර්කස් කණ්ඩායමක සේවය කර ඇති බවත් කොහොම ගියත් කවදාවත් රිය අනතුරක් වී නැති බවත්ය. පිටතින් අනතුරු නූනට මේ ඇතුළෙ වෙන හරිය හොඳටම ඇති කී නිලධාරියා ඊළඟ බස් නැවතුමෙන් බැස්සේ රියැදුරා දෙස රවා බලමින්ලු.
(තිහගොඩ - උපසේන ලියනගම)