(කරන්දෙණිය එම්. සුසිල් ප්රියන්ත)
කඨින පූජෝත්සවය නිමිත්තෙන් සිය විහාරස්ථානයේ ධර්මශාලාවේ සකස්කරන ලද කල්ප වෘක්ෂයේ එල්ලා තිබූ සබන් කැටවලින් කැට දහයක් පමණ ප්රධාන දායකයාගේ ගමන් මල්ලෙන් මතුවූ පුවතක් දකුණේ විහාරස්ථානයකින් වාර්තාවේ.
කඨින පූජෝත්සවයක් පැවැත්වෙන විහාරස්ථානවල දායක දායිකාවන් ගෙනෙන පූජා භාණ්ඩ එල්ලීමට ධර්මශාලාවේ තැන්පත් කොට ඇති ගසක අත්ත හඳුන්වනුයේ කල්ප වෘක්ෂය නමිනි. දායක දායිකාවෝ මේ වෘක්ෂයේ විවිධ පූජා භාණ්ඩ එල්ලති. සබන්, දත් බෙහෙත්, බෙහෙත් පැකට් වර්ග, බෙහෙත් තෙල් බෝතල්, කොපි පොත්, පෑන් යනාදිය ඒ අතර බහුලය.
මේ විහාරස්ථානයේ ද කල්ප වෘක්ෂයක් සාදා තිබුණේ කඨින පූජෝත්සවයටය. කඨිනය දා මේ කල්ප වෘක්ෂයේ ගැට ගසා තිබූ පූජා භාණ්ඩ අස්පස් කරන අතර, බොහෝවිට විහාරාධිපති හිමියන් එම කාර්යය පවරන්නේ තමන්ට විශ්වාස තැනැත්තකුටය. මේ විහාරස්ථානයේ කල්ප වෘක්ෂයේ ගැටගසා තිබූ පූජා භාණ්ඩ අස්කිරීමට විහාරාධිපති හිමියන් භාරදුන්නේ ප්රධාන දායක මහතාටය.
ඔහු කල්ප වෘක්ෂයෙන් පූජා භාණ්ඩ ඉවත් කරන අතරතුර එහි තිබූ සබන් කැට දහයක් පමණ සිය ගමන් මල්ලට ද දා ගැනීමට අමතක නොකළේය. එය ඉතා හොර රහසේ කළත් සිද්ධිය දුටු අයෙක් ඒ බව විහාරාධිපති හිමියන්ට සැල කළේය.
කලබල නොවූ විහාරාධිපති හිමියෝ ප්රධාන දායක මහතාගේ ආත්ම ගෞරවයට හානියක් නොවන ලෙස මෙය සත්යයක් දැයි දැන ගැනීමට උපායක් ද යෙදවූහ.
කල්ප වෘක්ෂයේ පූජා භාණ්ඩ අස්පස්කර අවසන් වූ පසු විහාරාධිපති හිමියෝ ප්රධාන දායක මහතා ඇමතූහ.
“දායක මහත්තයා කල්පවෘක්ෂයේ පූජා භාණ්ඩ අස්පස් කළා ද?”
“ඔව් ලොකු හාමුදුරුවනේ මම ඒවා අසපස් කරල පොඩි හාමුදුරුවන්ට දුන්නා අරන් තියන්න කියලා”
“ඒක බොහෝම හොඳයි. ඒක නෙවෙයි දායක මත්තයෝ, දායක මහත්තයා හොරකමකට අල්ලන්න කවුරු හරි කෙනෙක් දායක මහත්තයාගේ මල්ලට කල්ප වෘක්ෂයේ තිබුණු සබන්කැට කිහිපයක් දාලයි කියලා මට ආරංචි වුණා. මේක ඇත්තද කියලා බලන්නකෝ”
මෙයින් හීන් දාඩිය දැමූ ප්රධාන දායකයා සිය ගමන් මල්ලේ තිබූ සබන් කැට තොගය ගත්තේ “අනේ අපේ හාමුදුරුවනේ ඇත්තම නේනම් මේ අසමජ්ජාතියෝ මාව හොරෙක් කරන්න කරපු වැඩක්” කියමිනි. “මුන්ට නම් හොඳක් වෙන්න එපා” කියමින් දෙස් දෙවොල් තියමින් ඔහු සබන් කැට ටික ලොකු හාමුදුරුවන්ට භාරදුන්නේය.
ප්රධාන දායක මහත්තයා කෑම ටිකක් කාල එන්නකෝ කියමින් විහාරාධිපති හිමියෝ ආවාසය තුළට වැඩි අතර ඔහු කෑම තියා ඇල්වතුර ටිකක්වත් නොබී සිය නිවසට හනි හනිකට දිවගියේ තමන් පත්වූ අන්ත අසරණ තත්ත්වය හොඳින් මෙනෙහි කරමිනි. ඉන්පසුව වෙනදා හැමදාම පන්සලට එන ප්රධාන දායකයාගේ නොපැමිණීම සම්බන්ධයෙන් අනෙක් දායකකාරකාදීන් විමසිලිමත් වූවිට මේ කාරණේ බොහෝම සීරු මාරුවට පැතිරුණාලු.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සබන් කැට ගෙදරටම එන කප්රුකක් පහළවෙලා