වියපත් මවකට අංශභාග රෝගය විශ්ව බලයෙන් සුවකර ගැනීිමේ අරමුණින් බුලත් හුරුල්ල මත පඬුරක් වෙනුවට තැබූ කරාබු ජෝඩුව ඇසළ පෝදා අතුරුන්වීමේ පවුතක් පිළිබඳ තොරතුරක් මත්තේගොඩ ප්රදේශයෙන් වාර්තා වේ.
මෙය මත්තේගොඩට යාබද ගමකි. එහි අවුරුදු 70ක පමණ වියපත් මවක් දිවි ගෙවන්නීය. ඇය නිවසේ දරුවන් සමග වාසය කළත් දිවා කාලයේ රැඳී සිටින්නේ හුදකලාවය.
ගෙවී ගිය ඇසළ පෝදා උදෑසන සුපුරුදු පරිදි මව තනියම නිවසේ සිටියදී වතුර ටිකක් ඉල්ලා තලතුනා තරුණයකු නිවසට පැමිණ ඇත. තරුණයා බැගෑපත් ස්වරයෙන් ඉල්ලූ වතුර පොද අත් වාරුවෙන් නිවස තුළට ගොස් රැගෙන ඉදිරියට ආවාය.
ඒ අවස්ථාවේදී වතුර බොන ගමන් මවගේ රෝගී තත්ත්වය විමසා ඇත.
එවිට ඇය “අනේ පුතේ ලක්ෂ ගණනක් වියදම් කළත් මේ අංශභාගය සුව කර ගන්න බැරි වුණා. මටනම් දැන් ජීවිතයත් එපා වෙලා තියෙන්නේ, මේ ලෙඬේ සුව කරන කෙනෙක් හිටියනම් බුදු බව ලැබෙනවා පුතේ” යැයි කීවාය.
එවිට තරුණයා පවසා ඇත්තේ “අනේ අම්මේ ඕක සුළු දෙයක්. මම මේ වගේ ලෙඩද සුව කරල තියෙන්නේ. යුද්දෙදි වෙඩි වැදුණු වෙන් වුණු කකුල් පවා බද්ධ කරල තියෙනව. මම අම්මගේ ලෙඬේ පැය 24න් සුව කර දෙන්නම්” යැයි පවසා බුලත් හුරුල්ලක් ගෙන්වා ගෙන ඇත.
පසුව ඉන් එක් බුලත් කොළයක් ගෙන ඊට ටික වේලාවක් මොනවාදෝ මුමුණමින් සිට බුලත් හුරුල්ල මත පඬුරක් තබන්නැයි පවසා ඇත. එහිදී තමා අත ශත පහක්වත් නොමැති බව පැවසීමත් සමග එසේ නම් හනිකට වටිනා කුමක් හෝ දෙයක් තබන ලෙස පවසා ඇත. එහිදී කලබල වූ මව තම කරාබු ජෝඩුව ගලවා බුලත් හුරුල්ල මත තබා ඇත.
ටික වේලාවක් යනතුරු බුලත් හුරුල්ලට මුමුණමින් සිට එක් බුලත් කොළයකින් අප්රාණික වූ අතට සහ පාදයට ආශිර්වාද කොට, පඬුර කැප කිරීම පිණිස අඩි 07ක් උසින් තැබිය යුතු බව පවසා බුලත් හුරුල්ල නිවසේ ජනේලයක් මතින් තබා තරුණයා නිවසින් පිටව ගියේය.
එසේ පිටවයන අවස්ථාවේදී “අම්මේ පැය 24 ගියාට පස්සේ බුලත් හුරුල්ල අයින් කරල කරාබු ජෝඩුව ගන්නැයි ද කියා ඇත.
ඉන් මද වේලාවකට පසු මවගේ ලේලිය නිවසට පැමිණි අවස්ථාවේදී මේ බව පැවසීමත් සමග සැක සිතුණු ලේලිය පුටුවකට නැග බුලත් හුරුල්ල පරීක්ෂා කිරීමේදී කරාබු ජෝඩුව අතුරුදන්වී ඇති බව දැක ඒ පිළිබඳව පැවසීමේදී රෝගීව සිටි මවට දෙවියන් සිහිවිය.
(මත්තේගොඩ ශාන්ත ප්රදීප් කුමාර කුලරත්න)
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විශ්ව බලෙන් ලෙඩාට මතුරද්දී බහිරවයා කරාබු ජෝඩුව අරන් පැනලා