(මොරගොල්ලාගම සිසිර කැලේගම)
මිතුරකුගේ යතුරු පැදියෙන් තවත් මිතුරෙක් ගමනක් ගිය අතරවාරයේ යතුරු පැදියේ හිමිකරු සොයා පොලීසිය පැමිණීමෙන් අනතුරුව යතුරුපැදි හිමිකරුටත් එය රැගෙන ගිය මිතුරාටත් දෙලොව රත්වීමේ පුවතක් වයඹ පුරවරයෙන් අසන්නට ලැබුණි.
සිද්ධිය මෙසේය.
ගජා මිතුරන් දෙදෙනාම මධ්යම පළාතට අයත් රාජ්ය සේවයක නියැළෙන අයයි. ගමනක් යාම සඳහා එක් මිතුරකු තම මිතුරාගෙන් යතුරු පැදිය ඉල්ලා සිටියේය.
යතුරු පැදියේ හිමිකරු තමා දඹුල්ල නගරයෙන් කොළඹ බලා යන බස් රථයකට ගොඩකර යතුරු පැදිය රැගෙන අවශ්ය ගමන යන ලෙසට සගයාට උපදෙස් දෙනු ලැබීය.
ඒ අනුව යතුරුපැදි හිමිකරුවා බස් රථයකට ගොඩකර ඔහු එකී යතුරු පැදිය රැගෙන යා යුතු ගමන ගියේය. අදාළ ගමන ගිය මිතුරා යහළුවාගේ යතුර පැදිය ආයතනයේ තබා බස් රථයක නැගී ඔහුගේ නිවසට ගොස් එහි කාලය ගත කළේය.
මේ අතර පොල්පිතිගම පොලිසියේ පොලිස් කණ්ඩායමක් යතුරු පැදිකරුගේ නිවසට පසු දිනයේ පැමිණියේය. තමාගේ යතුරු පැදිය කොයිදැයි කියා පොලීසිය ඔහුගෙන් ප්රශ්න කළේය. එය තම යහළුවා රැගෙන ගොස් මේ වනවිට සේවා ස්ථානයේ රඳවා තිබෙන බව හෙතෙම පැවසීය.
යතුරු පැදිය දඹුල්ල නගරයේ තිබී පොලිස් බාරයට ගත් බවත්, මෝටර් රථ දෙපාර්තමේන්තුවෙන් ලද තොරතුරු මත එම යතුරු පැදියේ හිමිකරු සොයා මෙලෙස පැමිණි බවත් පොලිසිය ඔහුට පැවසීය.
වහා කලබලයට පත් ඔහු තම මිතුරා අමතන්නට විය. එය දඹුල්ල ආයතනයේ තබා ඇති බව මිතුරා පිළිතුරු දෙන්නට විය. වෙනත් මිතුරකුට මේ බව දන්වා බැලීමේදී එහි තිබී ඇත්තේ වෙනත් අයකු සතු යතුරුපැදියකි.
යතුරු පැදිකරු බසයට ඇරලවා එය රැගෙන ආ මිතුරා දඹුල්ල වෙළඳ සලකට ගොඩවී තේ එකක් පානය කර එතැනින් පිටත් වී ඇත්තේ ඒ අසල තිබූ ඒ හැඩැති වෙනත් යතුරු පැදියකිනි.
හොරණ ප්රදේශයේ පදිංචිකරුවෙකු එහි නවතා තිබූ තම යතුරු පැදිය නැතැයි පොලීසියට පැමිණිලි කර ඇති අතර ඒ ඔස්සේ විමර්ශනයක නියැලුණු පොලීසිය අයිතිකරුවෙකු නැති නගරයේ දමා ගිය යතුරු පැදියක් පොලිස් බාරයට ගනු ලැබීය.
මිතුරන් දෙදෙනා වහා අන් අය සතු යතුරු පැදිය රැගෙන දඹුල්ල පොලීසියට ගිය අතර හොරණ තැනැත්තා තම යතුරු පැදියේ ලියකියවිලි ඉදිරිපත් කොට එහි අයිතියද තහවුරු කර පැමිණිල්ල ඉල්ලා අස්කර ගත්තේය.
සිදුවෙන්නට ගිය අකරතැබ්බයකින් පෙර පිනකට අනූ නවයෙන් බේරුණේ යැයි කියා යතුරු පැදිකරුවාද තම සගයාද සිදු වූ අත්වැරැද්දට රැස්ව සිටි පිරිසගෙන් සමාව ඉල්ලා පවනට බඳු වේගයෙන් යන්න ගියහ.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිතුරාට යතුරුපැදිය දී පොලිසියෙන් ගෙදරට ඇවිත්
chinthana Friday, 21 February 2020 09:49 AM
යතුර සයිකලේම තියලා ගිය නිසානේ ඔය අවුල සිදු වුනේ...