(අම්බලන්තොට විශේෂ ඩී.ජී. ජයසුන්දර)
රජයේ පාසලක ගුරුවරිය තම දියණියගේ විවාහ උත්සවයට තමා සේවය කරන විදුහලේ විදුහල්පති ඇතුළු ගුරු මණ්ඩලයට ද ආරාධනා කළාය.
විවාහ උත්සවය පැවැතියේ ගුරුතුමියගේ නිවෙසේය. ආරාධිත බොහෝ පරිසක් එදින පැමිණ සිටියහ.
සියල්ලන්ම සතුටු සාමීචියේ යෙදී සිටි ගුරුවරියන් දහවල් කෑම සඳහා ගිය අතර ගුරුවරුන් බොහෝදෙනකු ගියේ මත්පැන් මේසය වෙතය.
ගුරුවරු පැය කිහිපයක් මත්පැන් බොමින් අල්ලාප සල්ලාපයේ යෙදී සිටියහ. මේ අතර එක් ගුරුවරයෙක් කෙළින් සිටගෙන සිටීමටවත් නොහැකි අන්දමින් මත්ව සිටියේය.
ඔහු අපහසුවෙන් කෑම මේසය වෙත ගොස් කට දෙක තුනක් කෑම කා කාටත් නොකියාම මඟුල් ගෙදර සමීපයේ ඇති තම නිවෙසට පයින්ම යාමට සූදානම් විය. එහිදී ඔහු වමනය ද කළේය.
පසුව ඔහු වටපිට නොබලාම නිවෙස වෙත ගියේය. නිවෙසට ගොස් ද වමනය කළේය. ඔහුගේ තත්ත්වය තේරුම් ගත් නිවැසියන් සුළු ප්රථමාධාරයක් දී නිදා ගැනීමට සැලැස්වීය.
එදින සවස් යාමයේ නින්දෙන් අවදි වූ ගුරුවරයාට මුහුණේ වෙනසක් දැණින. ඒ උඩතල්ලේ කෘත්රිම දත් ඇන්ද කටෙහි නොමැති බවයි. ඔහු තමා වමනය කළ ස්ථානයේ එය පරීක්ෂා කළ බැලුවත් එහි ද නොවීය. නිවෙසේ අය ද දත් ඇන්ද සොයන්නට විය. එහෙත් හමු නොවීය.
දැන් කාගෙත් නිගමනය වී ඇත්තේ උඩු දත් ඇන්ද ගුරුවරයාට ගිලී ඇති බවය. නිවැසියන් වහා ඔහුව පෞද්ගලික වෛද්ය ආයතනයකට රැගෙන ගොස් එක්ස් රේ එකක් ගෙන බැලුවත් ඔහුගේ ශරීරය තුළ ද එය නොවීය. පසුදා පහන් විය. ගුරුවරයා පාන්දරින් ගියේ මඟුල් ගෙදරටය. දැන් ඔහුගේ වෙරි සිඳිලාය. එවිට ගුරුවරිය මිදුල අතුගාමින් සිටියාය.
“මොකද පාන්දරින්ම?” ගුරුවරිය විමසීය.
“මගේ දත් ඇන්ද මෙහෙවත් වැටිල ද බලන්න ආවා” ගුරුවරයා කීය.
“ඔය තියෙන්නේ මල් පඳුර ළඟ” ගුරුවරිය පැවැසුවාය.
පසුව දත් ඇන්ද අහුලා ගත් ගුරුවරයා ජල කරාමය වෙත ගොස් එය සෝදා සාක්කුවට දමා ගත්තේය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මඟුල් ගෙදර ගිය ගුරුවරයාගේ දත් ඇන්ද මල් පඳුරක් ළඟ