(කළුතර සුනිල් එස්. තන්ත්රිආරච්චි)
තම ප්රේම සම්බන්ධය කඩා බිඳ දැමූ බව කියන තරුණියගේ හැඩ හුරුකම් ඇති තරුණියක් දුටු 19 හැවිරිදි තරුණයකු බස් රථයකදී කතුරකින් ඇයගේ කොණ්ඩයෙන් අඟල් 19 ක කොටසක් කපා දමා ඇති අතර පයාගල පොලිසිය ඔහු සැකපිට අත්අඩංගුවට ගෙන ඇත.
මෙය සිදුවී ඇත්තේ පෙරේදා (28) දහවල් 12.30 ට පමණ පයාගල ප්රදේශයේදීය. පයාගල පොලිසියේ රථවාහන අංශයේ සැරයන් (21764) පද්මසිරි සහ කොස්තාපල් මංජුල (35203) යන මහත්වරුන් උතුරු පයාගල ප්රදේශයේ රාජකාරි කරමින් සිටින විට කොළඹ සිට ඇල්පිටිය බලා ධාවනය වෙමින් තිබූ බස් රථයක් නතර කළ අතර එහි රියැදුරා කියා සිටියේ බස් රියේ සිටි 21 හැවිරිදි තරුණියගේ කොණ්ඩය කතුරකින් කැපූ තරුණයකු බස් රියෙන් බැස පැන දිවු බවයි. වහා ක්රියාත්මක වූ පොලිස් නිලධාරින් ප්රදේශවාසීන්ගේ ද සහය ඇතිව සැකකරු අත්අඩංගුවට ගත් අතර ඔහුගේ කලිසම් සාක්කුවක තිබී කතුරේ ප්ලාස්ටික් කවරය ද බස් රථය තුළ තිබූ අඟල් 19 ක් දිගැති වරලස කොටස හා කතුර ද පොලිස් බාරයට ගත් බව පොලිසිය කියයි.
මොහුගෙන් ප්රශ්න කිරීමේ දී පවසා ඇත්තේ තමා බලපිටිය ප්රදේශයේ ප්රධාන පෙළේ පාසලකින් උසස් පෙළ සමත් වූ අයකු බවත් තම පාසලේම සිසුවියක සමග ඇති කරගෙන තිබූ ප්රේම සම්බන්ධයක් බිඳී ගියේ එක්තරා තරුණියක පෙම්වතියගේ මවට කී කේලම් බස් නිසා බවත් පොලිසිය කියයි. මෙසේ කේලම් බස් කී තරුණියාගේ හැඩරුව පෙම්වතිය තමා සමග පවසා ඇති බවත් එහෙත් තමා ඇය මින් පෙර දැක නැති බවත් ඔහු පවසා තිබේ.
සිද්ධිය වූ 28 වැනි දින තමා ත්රිරෝද රියක් බැලීම සඳහා මොරටුවට ගොස් ආපසු එමින් සිටිය දී පෙම්වතිය කී හැඩරුව සහිත තරුණියක් කටුකුරුන්ද හංදියේ සිටිනු දැක ඇයට දඬුවමක් ලබාදීමට සිතා එතැනින් බැස ඒ අසල වෙළෙඳසැලකින් රුපියල් 60 කට කතුරක් මිලට ගත් බව ද ඔහු පවසා ඇත ඉන්පසු ඇය ඇල්පිටිය බලා යන බසයට ගොඩ වූ බවත් තමා ඇය සිටි අසුනට පිටුපස අසුනේ වාඩිවී සිට ඇයගේ කොණ්ඩය කැපූ බවත් ඔහු ප්රකාශ කොට තිබේ. සැකකරු ඊයේ (1) කළුතර මහේස්ත්රාත් අධිකරණයට ඉදිරිපත් කිරීමට නියමිතව තිබුණි. කළුතර කොට්ඨාස භාර පොලිස් අධිකාරි උපුල් නිල්මිණි ආරියරත්න සහ පයාගල පොලිසියේ වැඩ බලන ස්ථානාධිපති පොලිස් පරීක්ෂක ධම්මික මහත්වරුන්ගේ උපදෙස් මත සැරයන් පද්මසිරි (21764) සහ කොස්තාපල් මංජුල (35203) යන මහත්වරු මේ පිළිබඳව වැඩිදුර පරීක්ෂණ පවත්වති.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පෙමට වළ කැපුවැයි යකා නැගලා: බසයකදී තරුණියකගෙ කොණ්ඩය කපලා