ප්රභූවරයෙකුගෙන් රාජකාරියක් කර ගැනීමට ගිය අයෙකු නිවසේ පිවිසුම් දොරටුව ඉදිරියේ එළා තිබුණ ගම්මිරිස් පැදුර පාපිස්සකැයි සිතා කටයුතු කරන්නට ගොස් මහත් අකරතැබ්බයකට මුහුණ දුන් සිද්ධියක් මෙසේ වාර්තාවේ.
සිද්ධිය මෙසේය.
ඔහු එක්තරා රාජකාරියක් කර ගැනීමට අවශ්ය වුවහොත් ඒ පිළිබඳ අවබෝධයක් ඇති මෙම ප්රභූවරයා හමුවීමට දිනයක් හා වෙලාවක වෙන් කරගෙන තිබිණ. නියමිත දින දහවල් 12.00ත් 1.00ත් අතර එම නිවසට එන ලෙස ප්රභූවරයා ඔහුට පවසා තිබිණි.
ඒ අනුව ඔහු නියමිත වෙලාවට එහි ගියේ මේ දිනවල එම ප්රදේශයට ඇති අධික අව්රශ්මිය සහිත කාලගුණය පැවති අවස්ථාවක වුයෙන් ඔහුගේ දෑස් ඒ ගිනි ගහන අව්වෙන් නිලංකාර වී තිබිණි.
නිවස ඉදිරිපිට යතුරු පැදිය නවතා ඉන් බැසගත් හෙතෙම එම නිවසට ඇතුළුවන ප්රධාන දොරටුව වෙත යද්දී අලුත්ම පාපිස්සක් එළා තිබෙනු දුටුවේය.
කිසිම පැකිලීමක් නැතිව කළු පැහැතිව තිබුණ එයට නැග පාවහන් වල තිබුණ වැලි දූවිලි ගසා දමමින් දෙතුන් පාරක්ම දෙපා බිම ගසන්නට විය.
එහෙත් ඔහුට අමුත්තක් දක්නට ලැබුණේ පාපිස්සේ තිබූ කුඩා ඇට විශේෂයක් සීසිීකඩ විසිර යනු දැකීමෙනි. පාපිස්සෙන් මෑත්ව විපරම් කරන විට ‘දෙයියෝ සාක්කි ගම්මිරිස්” යැයි ඔහුට කියැවිණි.
ගෙතුළ සිට ප්රභූවරයා එතැනට පැමිණ සිද්ධිය දැක කරුණ තේරුම්ගත් අතර දෙදෙනාම මහත් අකරතැබ්බයකට මුහුණ දුන්හ.
‘වරද මගේ අතේ මම ඒක පිළිගන්නවා. අව්වේ ඇවිත් මගේ ඇස් පේන්නේම නැතිව ගියා’ යැයි අත් වැරදීම සිදුවූ අය කියන්නට විය. ගම්මිරිස් වේළාගැනීමේදී ඒවා සතුන්ගෙන් ආරක්ෂා කර ගැනීමට ගෙහිමියා ගෙට ඇතුළුවන ස්ථානය මෙසේ තෝරාගෙන තිබුණත් මෙවැනි දෙයක් සිදුවන බව ඔහුද තුන්හිතකින්වත් අපේක්ෂා නොකළේය.
කරුණු වටහාගත් ඔහු
‘ඕක ගණන් ගන්න එපා මේවාට කියන්නේ අත් වැරැදි නෙවෙයි පය වැරැදි’ යැයි ගෙහිමියාට පැවසූ දෙදෙනාම විසිරගිය ගම්මිරිස් ඇට එකතු කළ බව කියති.
(හිඟුරානේ නවරත්න සමරතුංග)
පවතින ආර්ථික අගහිඟකම් හමුවේ නෑදෑ පිරිවර මැද වැයබර අඩුකර ගැනීමට තැනට උචිත නුවණ පාචිච්චි කළ නිවෙස් හිමියකු පිළිබඳව පුවතක් කලාවැව අවට මහවැලි ජනපද ගම්මා
සිසුන්ගේ කෑම පැකැට්ටුවෙන් රෙදි ගලවා ගත් අපූරු ගුරුවරයකු පිළිබඳ පුවතක් දකුණු පළාතේ පාසලකින් අසන්නට ලැබේ. පාසලේ පැවති ක්රීඩා උත්සවය සඳහා සහභාගී වන සි
විහාරස්ථානයක සල්පිල් වෙන්දේසියක දී තරුණ තරුණියන් තරග වැදී මිලට ගත් භාණ්ඩයක් නොවටිනා දෙයක් වීමෙන් වූ අලකලංචියකි. මෙය වාර්තා වන්නේ දකුණේ ගම්මානයකිනි.
සුද්දන්ගේ ක්රමයට සුද්දාට ආචාර සමාචාර කරන්න ගොස් සුද්දාගේ කළු බැල්ලියගෙන් හොඳම ආචාර සමාචාරයක් ලැබ ජීවිතය අනූනවයෙන් බේරාගත් කළු සුද්දකු පිළිබඳව අ
සාදයේදී පදම වැඩිවූ මිතුරාට අමුතු රසාස්වාදයක් ලබා ගැනීමට අමුතුම සුප් එකක් පානය කරන්නට සලස්වා හිරේ විලංගුවේ නොවැටී අනූනවයෙන් බේරුණු මිතුරන් පිරිසක් ප
දකුණේ රාජ්ය අනුග්රහය ලබන එක්තරා ආයතනයක “සර්” කියා ගැනීමට මහත් ගිජුකමක් දැක්වූ නිලධාරියකුගෙන් තමාගේ කටයුත්ත ඉටු කර ගැනීමට ලිපියක් ලියා ඒ තුළ සර් යය
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
දොරකඩ පාපිස්සේ ගම්මිරිස් වීසිවේ