තම ගෙවත්තේ හොර පොල් කැඩීමට ආ සොරකුට එම ගෙවතු හිමියා විසින් ලබා දුන් දඬුවමක් පිළිබඳ පුවතකි.
සිද්ධිය මෙසේය.
ඔහු මෙන්ම ඔහුගේ බිරිඳ ද රජයේ සේවකයින් දෙපළකි. ඒ නිසාම ඔවුන් ගත කළේ කාර්ය බහුල ජීවිතයකි.
සැමියාටත් බිරිඳටත් ඇති කාර්ය බහුලත්වය නිසාම ඔවුන්ගේ ගෙවත්තේ වගා කර තිබූ පොල් ගස් හත අටේ පැසුණු පොල් වලු_ කීපය කඩවා ගැනීමට ද ඔවුන්ට ඉඩක් නොලැබුණි.
පොල් ගෙඩි කඩන්නන් අයකරන ඉහළ ගාස්තුව නිසාම ඔවුහු ඒ පිළිබඳ වැඩි උනන්දුවක් ද නොදැක්වූහ.
කෙසේ වෙතත් හොඳහැටි පැසී බර වී තිබූ පොල් වලු කීපයක් දුටු ගමේ පොල් කඩන්නකු පසුගිය දිනෙක දිවා කාලයේදීම කල් යල් බලා ගෙවත්තට ඇතුළු වූයේ පොල් ගෙඩි හත අටක් කඩා ගතහොත් පහසුවෙන්ම දවසේ ගතමනාව සොයාගත හැකි බව සිහිකරමිනි.
පොල් ගසකට ගොඩ වූ හෙතෙම ගෙඩි හත අටක් බිම දමද්දී සිද්ධිය බලා සිටි අසල්වැසියන් කිහිපදෙනකු එක්වී පොල් හොරා අල්ලාගෙන එම ගසේම බැඳ නිවෙස් හිමියාට දුරකතන ඇමතුමක් ලබා දුන්නේ අසල්වැසියන්ගේ යුතුකම් හරිහැටි ඉටු කරමිනි.
අසල්වැසියන්ගේ දුරකතන ඇමතුමත් සමගම නිවෙස වෙත පැමිණි ගෙහිමියාට දැකගන්නට ලැබුණේ තම ගෙවත්තේ හොරෙන් පොල් කැඩූ පුද්ගලයා එම පොල් ගසටම තබා ගැට ගසා ඇති ආකාරයයි.
සිද්ධිය සම්බන්ධයෙන් දැඩි සේ බැගෑපත්ව සමාව අයැද සිටි පොල් කඩන්නා තමුන් නිදහස් කරන්නැයි නිවෙස් හිමියාගේ දෙපා අල්ලමින් වැඳ වැටුණේ සිද්ධිය පොලිසිය දක්වා ගියහොත් අත්වන ඉරණම ගැන ද සිහිපත් කරමිනි.
නීතිමය කටයුතුවලට ගියහොත් තමුන්ට ද සිදුවන්නා වූ පාඩුව මෙන්ම රස්තියාදුව පිළිබඳ අත්දැකීමෙන්ම දන්නා නිවෙස් හිමියා අවසානයේදී පොල් හොරාට අපූරු යෝජනාවක් ගෙන ආවේ ඒ වනවිටත් රැස්ව සිටි අසල්වැසියන් ද විමතියට පත්කරමිනි.
“හරි උඹ පොල් කඩන්නනේ ආවේ. පොලිසි යන්නත් මොනවා කරන්නත් ඉස්සෙල්ලා ඉතිරි පොල් ටිකත් කඩපන්” යැයි කීවේ ගෙවත්තේ තිබූ සෙසු පොල් ගස් කීපය ද හොරාට පෙන්වමිනි.
කලක් තිස්සේ තම ගෙවත්තේ පොල් ගස්වල පැසී බරවී තිබූ පොල් ගෙඩි ටික හොර පොල් කඩන්නා ලවාම බාගත් හෙතෙම හොරාට ගාස්තු වශයෙන් පොල් ගෙඩි කීපයක් දී ඔහු පිටත්කර හැරියේ “මීට පස්සේ උඹ මේ වත්ත පළාතේ ඇවිත් අහුවෙන්න එපා” යැයි අනතුරු ඇඟවීමක් ද කරමිනි.
(වියලුව වාර්තාකරු)
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගස් බැන්ද හොරා ලවා වත්තේ පොල් කඩවාගෙන