විවාහ වී මනාල මහතාගේ නිවසට පැමිණ සති දෙකකට පසුව කිරි හොද්දක් සාදා ගැනීමට තේරුමක් නොමැතිව දුරකථනයෙන් පුත්තලමේ පදිංචි සිය මවගෙන් විමසීමක් කළා යැයි කියන තරුණ මනමාලියක පිළිබඳ පුවතක් කෑගල්ල ප්රදේශයේ ග්රාමයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
කිරි හොද්දක් සාදන ආකාරය පිළිබඳ සිය මවගෙන් දුරකථනයෙන් විමසුවා යැයි කියන තරුණ මනමාලිය පුත්තලම ප්රදේශයේ උපන්නියකි. ඇගේ වයස අවුරුදු 25 කි. මනාලිය උපාධිධාරිනියකි. වැඩිමහල් සහෝදරයන් දෙදෙනකු සිටින ඇගේ මව්පියෝ තවමත් පුත්තලමේ රජයේ රැකියා කරති.
මනාලිය කුඩා කල සිටම මව්පියන් ඉතාමත් ආදරයෙන් රැකවරණයෙන් අත් උදව්කාරියකගේ සහයෝගයෙන් ඇති දැඩි කළාය. ඒ පවුලේ එකම එක ගැහැනු දරුවා නිසාය. විවාහය දක්වාම ඇය කවදාවත්ම තමන්ගේ රෙදි ටික සොදා වේළා ගත්තේ නැත. හදිසියකට කවදාවත් බතක් උයා සම්බෝලයක් හැදුවේ ද නැත. සියල්ල මව්පියන් අතින් හා අත් උදව්කාරිය අතින් සිදු කෙරිණි.
ඉකුත් දිනෙක ඇගේ විවාහ මංගල්යය මහත් උත්සවශ්රීයෙන් සිදු කෙරිණි.
මනාලයා දින දෙකකට පසුව සිය මනාමාලිය ඇගේ නිවසට කැන්දාගෙන පැමිණියේ උඩරට වෙස් නර්තන කණ්ඩායමක් ද පෙරටුකොට ගෙනය.
සති දෙකකට පසුව මනාලයාගේ මව රාත්රි කෑමට ඉඳිආප්ප තම්බා කුකුල් මස් වෑංජනයක් සමඟ සම්බෝලයක් ද සාදා ඇඟපත සෝදා ගැනීමට යාමට සූදානම් වූවාය. ඊට පෙර “දුව පොල් බෑයක් ගාලා කිරි හොද්දක් හදන්න. මම ඉක්මනට ඇඟපත සෝදාගෙන එනවා”_යි පවසා මව කුස්සිය දොරෙන්ම පහළ ළිඳට ගියාය. මනාලිය පොල් බෑය ගා ගත්තද කිරි හොද්ද සාදන්ට තරම් දැනුමක් නොවීය.
“කිරි හොද්ද හදලා තිබ්බේ නැති වුණොත් වස ලැජ්ජාවයි”_ මනාලිය තනියම කල්පනා කළාය. පසුව ඇය දුරකථනය රැගෙන පුත්තලමේ පදිංචි මවගෙන් කිරි හොද්දක් සාදා ගන්නා ආකාරය පිළිබඳ විමසුවාය.
එහිදී මව සිය දියණියට කිරි හොද්දක් සාදා ගන්නා ආකාරය පිළිබඳ කියා දී තිබුණද පසුව ඇය කිරි හොද්ද සෑදූ අවස්ථාවේදී පොල් කිරි කැටිගැසී තිබූ බව ද වාර්තා වෙයි.
පසුව පවුලේ සියලු දෙනා රාත්රි ඉඳිආප්ප කෑමට කෑම කාමරයේ මේසයට ගිය අවස්ථාවේදී අලුත ගෙනා මනමාලි හැදු කිරි හොද්දෙන් හැමෝගෙම මූණු ඇඹුල් වී ගියාලු.
(කෑගල්ල අධිකරණ චමින්ද වැවතැන්න)
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අලුත ගෙනා මනමාලිගෙ කිරි හොද්දෙන් මූණු ඇඹුල්වෙලා