2024 අප්‍රේල් මස 20 වන සෙනසුරාදා
2024 අප්‍රේල් මස 20 වන සෙනසුරාදා
(නිමල කොඩිතුවක්කු)
රට දිනවන ආර්ථික ප‍්‍රතිසංස්කරණ ක්රියාත්මක කිරීම සඳහා ඉදිරියේදී කැපවන බව ආර්ථික ප‍්‍රතිසංස්කරණ සහ පොදු සැපයීම් අමාත්‍යාංශයේ වැඩ ආරම්භ කරමින් අමාත්‍ය හර්ෂද සිල්වා මහතා කොළඹදී පැවැසීය.
මෙරට ජනතාවගේ ජීවන තත්වය නැංවීමට අවශ්‍ය ආර්ථික සැලසුම් සකස් කර ඒ මගින් රට දියුණු කිරීමට කටයුතු කරන බවද අමාත්‍යවරයා එහිදි පැවැසීය.
කොළඹ කොටුවේ ලෝක වෙළඳ මධ්‍යස්ථානයේ පිහිටි අමාත්‍යාංශ කාර්යාලයේදී අද (26) යෙදුනු සුබ මොහොතින් මහා සංඝරත්නයේ ආශීර්වාද මැද ආචාර්ය හර්ෂ ද සිල්වා මහතා සිය ධූරයේ වැඩ භාරගනු ලැබීය.
එහිදි වැඩිදුරටත් අදහස් දැක්වූ අමාත්‍ය හර්ෂද සිල්වා මහතා මෙසේද කීවේය.
‘‘මෙරට සියළුම දෙනාට ආර්ථික ප්රතිලාභ ලැබෙන සමාජ සාධාරණත්වයෙන් යුතු දැනුම මත පදනම් වූ තරගකාරී සමාජ වෙළඳපොළ ආර්ථිකයක් ගොඩනැගිය යුතුයි. පසුගිය වසර තුනක කාලය තුළ අපි ඒ වෙනුවෙන් විශාල වැඩපිළිවෙළක් ගෙන ගියා. එහිදී අපිට විවිධ අභියෝග වලට මුහුණ දීමට සිදුවුණා.
එක්සත් ජාතික පක්ෂය ප්රමුඛ නව රජයක් මගින් ආර්ථික වශයෙන් රට ගොඩනැගීම සඳහා අපි සැලසුම් සකස් කර තිබෙනවා. මේ නව තනතුරත් සමඟ රට මුහුණ දී තිබෙන මේ ආර්ථික අර්බුදයෙන් රට ගොඩගැනීම සඳහා අවශ්‍ය ක‍්‍රියාමාර්ග ගැනීමටත් ඒ සඳහා නායකත්වය දීමටත් මම කැපවෙනවා.
සෞඛ්‍ය, අධ්‍යාපනය, ජාත්‍යන්තර වෙළඳාම ඇතුළු ක්ෂේත‍්‍රවල ධනාත්මක ප‍්‍රතිසංස්කරණ මෙරටට හඳුන්වාදීම ඉතාමත් වැදගත්. ඒ වෙනුවෙන් විරුද්ධ අදහස් දක්වන පිරිස් සමඟ බුද්ධිමය සංවාදයේ යෙදීමට අපි සූදානම්.
මෙරට අඩු ආදායම් සහ මධ්‍යම ආදායම් ලාභී ජනතාවගේ ජීවන තත්ත්වය නැංවීමට අවශ්‍ය ආර්ථික ප‍්‍රතිසංස්කරණ හඳුන්වාදීමේ අභියෝගය අපි ජය ගතයුතුයි. ඒ මගින් රට වැටි ඇති ප‍්‍රපාතයෙන් අපි ගොඩගත යුතුයි’’ යැයිද අමාත්‍යවරයා එහිදි වැඩිදුරටත් පැවැසීය.
පිරිසුදු හාහරිත ශ්‍රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්‍රව්‍ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්‍රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්‍රවාහන නෞකා 300 කට අධික සංඛ්‍යාවක් හම්බන්තොට ජාත්‍යන්තර වරායට (HIP)පැමිණ ඇතග 2022 වසරට සාපේක්ෂව යාත්‍රා පැමිණීමේ සියයට 132ක ඉහළ යෑමක් ද
ශ්‍රී ලංකාවේ ප්රමුඛ පෙළේ රක්ෂණ සමාගමක් වන HNB ජෙනරල් ඉන්ෂුවරන්ස් (HNBGI) සමාගම පසුගියදා සම්පත් බැංකුව සමඟ සහයෝගීතාවකට එළඹෙමින් සම්පත් ක්‍රෙඩිට් කාඩ්පත් හ
දිවයිනේ ප්රමුඛ පෙළේ කිරි හා ඒ ආශ්‍රිත නිෂ්පාදන සිදු කරන සමාගමක් වන රසෝදා ඩේරීස් පෞද්ගලික සමාගම කාර්මික සංවර්ධන මණ්ඩලය (IDB)සංවිධානය කළ ජාතික ව්‍යාපාර ව
2024 අප්‍රේල් මස 09
223
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1537
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1432
2
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘රට දිනවන ආර්ථික ප‍්‍රතිසංස්කරණ ක්රියාත්මක කිරීමට කැපවෙනවා‘‘
Raveendra Wednesday, 26 December 2018 01:17 PM
අපේ ජනවහරේ තියෙනවා වැඩ කරන මිනිසා අඬබෙර නොගස්සයි කියා. එමෙන්ම කටින් ඇපල් ඉන්දන්නෙත් නැති බව.... තවද හිස් කල සද්ද වැඩි බවත් පිරුණු කලවල සද්ද නැති බවත්ය. එබැවින් "මහජන මුදලින් යැපෙන තම ජීවිකාව ගෙවන මෙම මහජන නියෝජිතයාට" අප මෙසේ පවසන්නෙමු. තමහිතට එකඟව තමන් උපන් රටට අවංකව සේවය කර පෙන්නන්න අඩු තරමින් තමන් ලබපු නිදහස් අධ්‍යාපනයේ කළගුනේවත් තබන්න කියා. අපට ඔය කිසිඳු මූසල පක්ෂයකින් කිසිඳු වැඩක් නැත. තමන්ගේ යුතුකම කරලා පෙන්නන්නකෝ...
V.warnakulasuriya Wednesday, 26 December 2018 02:06 PM
අවු.70 ක් මේ අලංකාර වාක්‍ය අපට ඇසුණා පමණි. සියළුම දෙනාට ආර්ථික ප්රතිලාභ සහ සමාජ සාධාරණත්වය අපි දුටුවේ සිහිනෙන් පමණකි. එහෙත් මෙරට එක්තරා පන්තියක් පමණක් නම් එදත්, අදත්, හෙටත් දිනවන ආර්ථිකයක වාසනාවන්තයන් වෙති. බොහෝ තරුණ දේශපාලකයින්ට රට ගැන අවංක චේතනාවක් තිබුණත්, පවතින මජර දේශපාලනයේ ඔවුන් බොහෝදුරට සිරකරුවන් සහ වහලුන් මෙන් හැසිරෙති. මේ නිසා මේ ප්‍රකාශ අපි සුරංගනා කතාවලට එක් කරමු.
RaveendraWednesday, 26 December 2018 02:56 PM
සහතික ඇත්ත , මේ ගොයියත් අපිට " වැල්අල " පොඩි කරනවා...
Lal Wednesday, 26 December 2018 03:32 PM
මේ අයට සත්‍ය වශයෙන්ම දැක්මක් නැහැ. දැනට එසේ දැක්මක් නැතිවෙලා තිබෙන එකට ප්‍රධාන හේතුව මෙයාලාගේ නායකත්වය. ඒ නායකත්වය වෙනස් වුනත් එක්සත් ජාතික පක්ෂයේ ප්‍රතිපත්ති අපේ රටට බරපතල ලෙස අහිතකරයි. අද මෙයලාගේ නායකත්වයේ අරමුණ පක්ෂයේ නම වෙනස් කරලා ලොකු සෙල්ලමක් දාන්න. රටට ලොකු වෙනසක් බලාපොරොත්තුවෙන් සිටින බුද්ධිමත් ජනතාවක් සිටින බව මේ අය අමතක නොකළ යුතුයි...
Rohana Thursday, 27 December 2018 02:02 AM
අපේ රටේ යමක් කරනවට වඩා ලස්සනට ලියන්න කියවන්න දක්ෂ අය ඉන්න බව නම් පෙනෙනවා
kim Thursday, 27 December 2018 10:28 AM
එක කට්ටියක් දන්නේ චීනෙට රට විකුණා සංවර්ධන මැජික් පෙන්නන්න. අනිත් කට්ටියට කරන්න පුළුවන් බදු ගහන එක විතරයි. මේ බදු නිසා සුළු හා මධ්‍ය කර්මාන්ත කරුවන් කොච්චර අමාරුවේ වැටිලා තියනවද? ලංකාව දියුණු කරන්න නම් නිතිය එක සමානව ක්රියාත්මක කරන්න ඕන. රටට විනිමය ගෙන එන සංචාරකයන්ගේ ආරක්ෂාව තහවුරු කරන්න ඕන සහ සංචාරක ස්ථාන වල පහසුකම් හා සේවා ජාත්‍යන්තර මට්ටමට ගෙන්න ඕන. සුළු හා මධ්‍යම කර්මාන්තකරුවන්ට, සුළු හා මධ්‍ය අපනයනකරුවන්ට දියුණුවෙන්න අවස්ථාව සලසන්න ඕන. සමහර ක්ෂේත්‍ර සඳහා බදු සනහ දෙන්න ඕන. උදාහරණ විදියට, රැකියා ඇතිකරන අයි ටි හා තාක්ෂණ ආයතන. ඇත්තටම මේ සංස්කරණ 2015 සිට ක්රියාත්මක කළා නම් ඩොලරය මේ විදියට ඉහලට යන්නේ නෑ. 2015 සිට මේ දක්වා කළේ හිටපු අයට වඩා හොඳට ගැහිල්ල කරන විදි හොයන එකයි.
Bamunuarachchi Friday, 28 December 2018 06:41 AM
ඔබ මේ පාර්ලිමේන්තුවට ගොඩ වෙච්ච දහසකුත් මන්ත්‍රීවරුන්ගෙන් එක්කෙනෙක් පමණයි. ඔබට විශේෂත්වයක් මෙතන නැත. මන්ත්‍රී හැටියට ඉන්න නැතිනම් යන දේවාලයක යන්න.