ටෝකියෝහිදීය (රොයිටර්)
ලෝක වෙළෙඳපොලේතෙල් මිල ගණන් අද (12) නැවත වරක් ඉහළ ගිය අතර කොටස් වෙළෙඳපොළවලද පහත වැටීමක් දක්නට ලැබිණි.
‘බ්රෙන්ට් කෲඞ්’ මිණුම් ඒකකවලට අනුව තෙල් බැරලයක මිල එක්සත් ජනපද ඩොලර් 80.59ක් දක්වා සියයට 0.4කින් එනම් ශත 33කින් ඉහළ ගියේය. එහෙත් ඊයේ (11) තෙල් බැරලයක මිල ඩොලර් 79.80ක් ලෙස සටහන් වූ අතර සති අන්තයේදී තෙල් බැරලයක මිල සියයට 4.2කින් අඩු වනු ඇතැයි අපේක්ෂා කෙරේ.
ඒ අනුව එසේ තෙල් බැරලයක මිල පහත වැටුණහොත් සති පහකට පසු තෙල් බැරලයක මිල එතරම් පහත වැටෙන පළමු අවස්ථාව එය වනු ඇත.
ඇමෙරිකා එක්සත් ජනපදයේ ‘වෙස්ට් ටෙක්සාස් ඉන්ටර්මීඩියට් (ඩබ්ලිව්.ටී.අයි)’ මිණුම් ඒකකයට අනුව තෙල් බැරලයක මිල ශත 26කින් (සියයට 0.4ක) අගයකින් ඩොලර් 71.23ක් දක්වා ඉහළ ගියේය.
ඊට පෙර දිනයේදී තෙල් බැරලයක මිල සියයට 3කින් පහත වැටී තිබූ අතර සැප්තැම්බර් 21 දින පසු තෙල් බැරලයක මිල පහත වැටුණු පළමු අවස්ථාව විය. ඩබ්ලිව්.ටී.අයි මිණුම් ඒකකයට අනුව ද මේ සති අන්තයේ දී තෙල් බැරලයක මිල සියයට 4.2ක අගයකින් පහත වැටෙනු ඇතැයි අපේක්ෂා කර තිබෙන අතර එසේ තෙල් බැරලයක මිල පහත වැටුණහොත් සති පහකට පසු තෙල් බැරලයක මිල එතරම් පහත වැටෙන පළමු අවස්ථාව එය වනු ඇත.
ඇමෙරිකා එක්සත් ජනපදයේ බොරතෙල් ලේඛන ගත කිරීම්වලට අනුව පසුගිය සතියේදී නිෂ්පාදනය බැරල් මිලියන 6කින් වැඩි වී ඇතැයි එරට බලශක්ති තොරතුරු පරිපාලනය සඳහන් කළේය. එය විශ්ලේෂකයන් අනුමාන කළ බැරල් මිලියන 2.6කට වඩා වැඩි ගණනකි.
කෙසේ නමුත් තෙල් අපනයනය කරන රටවල සංවිධානය (ඔපෙක්) ලබන වසර සඳහා ඔවුන්ගේ ගෝලීය ඉල්ලුම් වර්ධන පුරෝකතනය අඩු කළේය. ඔවුන් පසුගිය මාස තුනේදී අඛණ්ඩව එසේ කරන ලදි.
වෙළෙඳ ආරවුල් විශේෂයෙන් ඇමෙරිකා-චීන වෙළෙඳ යුද්ධය නිසා ඇති වී තිබෙන අර්බුදකාරී තත්ත්වය සහ නැගී එන වෙළෙඳපොළවල දක්නට ඇති ඉක්මණින් වෙනස් වන ස්වභාවය නිසා එසේ කළ බව ‘ඔපෙක්’ සංවිධානය සඳහන් කළේය.
“මේ වසරේදී තවමත් තෙල් සඳහා තිබෙන ඉල්ලුම් වැඩි වෙමින් තිබෙනවා. එය දිනකට බැරල් මිලියන 1.2 සිට මිලියන 1.5 දක්වා දක්වා වැඩි වනු ඇතැයි ඇස්තමේන්තු කළ හැකියි.
කෙසේ නමුත් වෙළෙඳ ආරවුල් තවදුරටත් උග්ර වුවහොත් ලබන වසරේදී තෙල් සඳහා තිබෙන ඉල්ලුම අඩු වීමේ අවදානමක් තිබෙනවා” යැයි ඒ.එන්.ඉසෙඩ් පර්යේෂණ ආයතනයේ විශ්ලේෂකයෝ ඔවුන්ගේ නවතම වාර්තාවක් නිකුත් කරමින් සඳහන් කළහ.
මේ අතර ඇමෙරිකා එක්සත් ජනපදයට බලපා ඇති ‘මයිකල්’ කුණාටුව නිසා ඇමෙරිකා එක්සත් ජනපදයේ තෙල් නිෂ්පාදකයෝ ඔවුන්ගේ නිෂ්පාදනය සියයට 40 කින් සීමා කළහ.
එම සීමා කිරීම්වලට අනුව දිනකට කෙරෙන තෙල් නිෂ්පාදනය බැරල් 680,107කින් අඩු වූ බව සමාගම් 30ක දත්ත වාර්තා සඳහන් කරයි.
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලෝක වෙළඳපොලේ තෙල් මිල ඉහළට