පවුල් හිමිකාරීත්වය සහිත සමාගම් කොටස් හුවමාරුවෙහි ලයිස්තුගත්වීම සඳහා දායක කරගැනීමේ අරමුණෙන් “Founder to Family-Leveraging Going Public” තේමාව යටතේ හමුවක් කොළඹ කොටස් හුවමාරුව, ශ්රී ලංකා සුරැකුම්පත් හා විනිමය කොමිෂන් සභාව හා එක්ව පසුගියදා කොළඹ, ශැන්ග්රිලා හෝටලයේ දී පැවැත්වීය. මෙම හමුව පැවැත්වීමේ මූලික අරමුණ වූයේ ව්යාපාරයේ පාලනය රඳවා තබා ගනිමින් ලයිස්තුගතවීම හරහා වන ප්රතිලාභ අත්පත් කරගන්නා අකාරය සහ ලයිස්තුගතවීම සම්බන්ධයෙන් සමාජයේ වන දුර්මත පිළිබඳ සාකච්ඡා කිරීමයි.
ගෝලීය වශයෙන් සමාගම් ලයිස්තුගත වන්නේ බැංකු ණය පරිමාණය අවම කරගනිමින් අරමුදල් සම්පාදනය විවිධාංගීකරණය කරගැනීමට, වර්ධනය සඳහා අරමුදල් සම්පාදනයට, සමාගමේ උන්නතිය අපේක්ෂා කරන උපායමාර්ගික ආයෝජක ආකර්ෂණයට, සමාගමේ කළමනාකරණය හා සාංගමික යහපාලන ව්යුහ ස්ථාපනයට සහ පසුකාලීන සමාගමේ පැවැත්ම තහවුරු කරගැනීම් ආදී විවිධ අරමුණු සාක්ෂාත් කර ගැනීම සඳහායි.
මේ පිළිබඳව අදහස් දක්වමින් ශ්රී ලංකා සුරැකුම්පත් හා විනිමය කොමිෂන් සභාවේ සභාපති, ජනාධිපති නීතීඥ විරාජ් දයාරත්න මහතා මෙසේ පැවසීය. “ අපගේ මූලික එක් අරමුණක් වන්නේ වෙළෙඳපොළෙහි ද්රවශීලතාව ඉහළ නැංවීමයි. කොටස් වෙළෙඳපොළෙහි පවතින දුර්මත අතර ප්රධාන වන්නේ ලයිස්තුගතවීම ඉතාම අපහසු , කල් ගතවන හා මිල අධික ක්රියාකාරකමක් යන්නයි. එහෙත් එය එසේ නොවෙයි. ප්රාග්ධන සම්පාදනයට පවතින හොඳම අවස්ථාවලින් එකක් ලෙස මෙය හඳුන්වා දිය හැකියි. එනිසාම සියලුම ව්යාපාරික ප්රජාව මෙම අවස්ථාවෙන් උපරිම ප්රයෝජන ගත යුතුමයි. මේ මොහොතේ රජය පවා ආයෝජක හිතකාමී පරිසරයක් ගොඩනංවා තිබෙනවා. පසුගිය අයවැය යෝජානාවලින් මෙම වසර අග වනතෙක් වන ලයිස්තුගතවීම්වලට බදු සහන පවා දී තිබෙනවා. එම නිසා වෙළෙඳපොළ ප්රවේශයකට හොඳම අවස්ථාව මෙයයි.”
කොළඹ කොටස් හුවමාරුවෙහි සභාපති දුමිත් ප්රනාන්දු මහතා මෙසේ පැවසීය. විශාල සමාගම් ප්රමාණයක් කොටස් වෙළෙඳපොළට අවතීර්ණවෙමින් ප්රාග්ධන වර්ධනයට උපකාරී පරිසරයක් මේ හරහා නිර්මාණය කරගැනීම සිත්ගන්නා සුළුයි. කොටස් වෙළෙඳපොළෙහි ලැයිස්තු ගතවීම් හරහා විශේෂයෙන්ම පවුල් හිමිකාරීත්වය තිබෙන සමාගම් වලට අත්පත් කරගත හැකි විවිධ ප්රතිලාභ, විවධ අකාරයේ මට්ටම්වල වටිනාකම්, පිළිබඳව ආමන්ත්රණය කිරීමට මේ සුදුසුම කාලයක්. එමෙන්ම පවුල් හිමිකාරීත්වය දරන සමාගම්වලට මේ හරහා ලබාගත හැකි ප්රමුඛතම දෙය වන්නේ පෞද්ගලික සමාගමක් ලෙස සාංගමික යහපාලන මූලධර්ම මත පිහිටා සමාගමේ අනාගත අර්බුධවලට මුහුණ දිය හැකි වටපිටාවක් සකස් කර ගැනීමයි.
ශ්රී ලංකාවේ ප්රමුඛ පෙලේ පවුල් හිමිකාරීත්වය සහිත සමාගම් 70කට අධික සංඛ්යාවක් සහභාගී වූ මෙම හමුවෙහි දී, මූලික මහජන නිකුතුවක ස්වභාවය හා ව්යුහය, මහජන නිකුතුවකට පෙර හා පසු ක්රියාවලිය සඳහා සුදානම්වීම, නියාමන ප්රතිලාභ හා බදු සහන, අනාගත සහභාගීකරුවන් හා පවුල අතර අවශ්යතා තුලනය කරගැනීම ආදී බොහෝ කරුණු සාකච්ඡාවට භාජන විය.
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ශ්රී ලංකාවේ ප්රමුඛ පෙළේ රක්ෂණ සමාගමක් වන HNB ජෙනරල් ඉන්ෂුවරන්ස් (HNBGI) සමාගම පසුගියදා සම්පත් බැංකුව සමඟ සහයෝගීතාවකට එළඹෙමින් සම්පත් ක්රෙඩිට් කාඩ්පත් හ
දිවයිනේ ප්රමුඛ පෙළේ කිරි හා ඒ ආශ්රිත නිෂ්පාදන සිදු කරන සමාගමක් වන රසෝදා ඩේරීස් පෞද්ගලික සමාගම කාර්මික සංවර්ධන මණ්ඩලය (IDB)සංවිධානය කළ ජාතික ව්යාපාර ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පවුල් හිමිකාරීත්වය සහිත ව්යාපාරවල උන්නතියට ලැයිස්තුගත වීමට ආරාධනා