ශ්‍රී ලංකාවේ නව ව්‍යාපාර අවස්ථාවලින් ලාබ ලැබීමට ලාංකීය හා විදේශීය අයෝජන සමාගම්වලට ආරාධනා කරන බව මුදල් රාජ්‍ය අමාත්‍යවරයා වශයෙන් දිවුරුම් දුන් එරාන් වික්‍රමරත්න මහතා පැවසීය. වික්‍රමරත්න මහතා දිවුරුම් දීමේදී වෙළෙඳ ගිවිසුම් ඉදිරියට පවත්වාගෙන යන බවට හා ක්ෂේත්‍රයේ පාර්ශවකරුවන් සමග සහයෝගයෙන් කටයුතු කරන බව පොරොන්දු දුන් මුදල් අමාත්‍ය මංගල සමරවීර මහතාගේ කටුයුතුවලට සමාන බවක්ද පෙනෙන්නට තිබේ.

ඒ මහතා මේ බව පැවසුවේ ශ්‍රී ලංකා වාණිජ මණ්ඩලය සංවිධානය කළ ශ්‍රී ලංකා ආයෝජන සහ ව්‍යාපාර සභාවේදී ය.
“අපි මේ දෙවල් කරන්නේ මූලිකවම ආර්ථිකය නිදහස් කරගැනීමට සඳහායි. ඒ වගේම ආයෝජකයාට හිතකර ප්‍රතිපත්ති සමගින් ඉදිරියට යාම අපේ බලාපොරොත්තුවයි“වික්‍රමරත්න මහතා කීය.

සංචාරක ක්ෂේත්‍රය,නිෂ්පාදන සහ භාණ්ඩ ප්‍රවාහනය දැවැන්ත ආයෝජන විෂය පථයක් බව කී අමාත්‍යවරයා කෘෂිකර්මය හා ධීවර ක්ෂේත්‍රය ඌන ආයෝජිත ක්ෂේත්‍ර බවද පැවසීය.

රටපුරා අපනයන සැකසුම් කලාප 12ක් ඇතැයි පෙන්වා දුන් අමාත්‍යවරයා රාජ්‍ය-පෞද්ගලික හවුල් පදනම මත තවත් කලාප ඇති කළ යුතු බවද පෙන්වා දුන්නේය.විදෙස් ආයෝජකයින්ට නිෂ්පාදන අවස්ථා පමණක් නොව මෙම කලාපයට සම්බන්ධ වීමට අවස්ථා ද ලබා දිය යුතු බවත් ඒ මහතා කීවේය.

කොළඹ නගරය දකුණු ආසියාවේ ජීවත් වීමට සුදුසුම නගරය බවට පත් වෙනු ඇතැයි ඒ මහතා පැවසීය.  එය පිරිසිදු,ක්‍රමවත් සහ සැපපහසුකම්වලින් සපිරි නගරයක් වනු ඇතැයි ඒ මහතා ප්‍රකාශ කළේය.

“බදු නවීකරණය කිරීම, ප්‍රධාන කාර්යාල සහ ප්‍රාදේශීය කාර්යාල, මම හිතන්නේ ශ්‍රී ලංකාවේ කදිම අවස්ථාවක් තියෙනවා“
චීනය හා ඉන්දියාව වැනි ප්‍රමුඛ ආර්ථිකයන් පවා ශ්‍රී ලංකාව භාණ්ඩ ප්‍රවාහනය සඳහා උපාය මාර්ගික පිහිටීමක් ඇති රටක් ලෙස හඳුනාගෙන ඇතැයි ද ඒ මහතා කීය. එය මුහුදෙන් හෝ ගුවනින් කියා වෙනසක් නැතැයි ද කියැවිණි.

කලාපයේ වඩාත්ම සාක්ෂරතාවයෙන් යුතු ශ්‍රම බලකාය ලංකාවේ සිටින හෙයින් විදේශ ආයෝජකයින් දැනුම-පදනම් කරගත් ක්ෂේත්‍ර පුළුල් කිරීමට බලාපොරොත්තු වන්නේනම් වෛද්‍යවරුන්,නීතීඥයින්,ඉංජිනේරුවන් සහ ගණකාධිකාරූවරුන් වැනි වෘත්තිකයින් අවශ්‍ය තරමට සිටින බවද ඒ මහතා කීවේය.

උපයෝගීතා සේවා සංවර්ධනය කිරීමට දැවැන්ත හැකියාවක් ඇතැයි සීග්‍රයෙන් වර්ධනය වන සංචාරක ක්ෂේත්‍රය ගැන අදහස් දක්වමින් වික්‍රමරත්න මහතා කීය.

“සංචාරක ව්‍යාපාරය කියන්නේ හෝටල් පමණක් නෙවෙයි. විනෝද ක්‍රීඩා, උද්‍යාන සහ උපයෝගී සේවාත් මෙයට ඇතුළත් වෙනවා. විශාල විෂය පථයක් තියෙනවා“ යැයි ඒ මහතා ප්‍රකාශ කරයි.