(අංජුල මහික වීරරත්න ) 


ගෝලීය ආර්ථික අර්බුදය හමුවේ ආසියානු පැසිෆික් කලාපයේ දැනට ශක්තිමත්ම මුදල් ඒකකය පවත්වගෙන යන ජපානය සමඟ ආර්ථික සබඳතා  වැඩි වශයෙන් ඇති කර ගැනීමට රජය තීරණය කර තිබේ.

රජය මේ තීරණයට  එළැඹ ඇත්තේ අගමැති රනිල් වික්‍රමසිංහ මහතා දුන් උපදෙස් අනුවය.නෝර්වේ සහ බ්‍රිතාන්‍ය සංචාරයට පිටත්ව යාමට පෙර ගෝලීය ආර්ථාක අර්බුදය හමුවේගත යුතු  පියවර ගැන අගමැතිවරයා ඇමැතිවරුන්ට හා ආර්ථික විශේෂඥයින්ට දීර්ඝ ලෙස පිළිතුරු දෙනු ලැබීය.


ඇමෙරිකානු  එක්සත් ජනපදය චීනයට අධික තීරුබදු පැනවීම නිසා මහාපරිමාණ ණය ප්‍රදාන වලට චීනය නොපෙලඹෙනු ඇතැයි  ආර්ථික විශේෂඥයින්ගේ  මතය වී තිබේ.

කලාපයේ සෙසු රටවල් අතරින් ඉන්දියාව, ඉන්දුනීසියාව, පිලිපීනය, මැලේසියාව,  යන රටවල මුදල්  ඒකකය ඩොලරය ශක්තිමත් වීමත් සමඟ දරුණු ලෙස අවප්‍රමාණ වෙමින් පවති.

ශ්‍රී ලංකාව ඇතුළත් කලාපයේ රටවල් සමඟ සැසදීමේදී ආර්ථිකය යම් මට්ටමින් හෝ පවත්වාගෙන යාමට හැකිව ඇත්තේ ජපානයට පමණක් බව මේ වන විට හෙළිදරව් වී තිබේ.

ඉහල සියළු තත්ත්වයන් සැළකිල්ලට ගනිමින් ජපානය සමඟ වැඩි වැඩියෙන් ආර්ථික කටයුතු පවත්වාගෙන යාමට විධිවිධාන දෙන ලෙස රජයේ ඇමැතිවරුන්ට හා ආර්ථික විශේෂඥයින්ට අගමැතිවරයා උපදෙස් ලබා දී තිබේ.