(තිළිණි ද සිල්වා)
රත්මලාන ගුවන්තොටුපළින් මාලදිවයින හා දකුණු ඉන්දියානු ගමනාන්ත ඉලක්ක කර කලාපීය ගුවන් මෙහෙයුම් ඇරඹීමට රජය තීරණය කර ඇතැයි සංචාරක අමාත්ය ප්රසන්න රණතුංග මහතා අද (15) පැවසීය.
ඊට අදාළව දැනටමත් ජාත්යන්තර ගුවන් සමාගම් සමඟ සාකච්ඡා කරමින් සිටින බව සංචාරක අමාත්යවරයා කීය.
ඒ අනුව මාලදිවයින් ගුවන් සමාගම සහ විලා ගුවන් සමාගම දැනටමත් සාකච්ඡා කර තිබෙන අතර, දකුණු ඉන්දීය ගමනාන්ත සඳහා ගුවන් ගමන් ආරම්භ කිරීම සම්බන්ධයෙන් ද ඉන්දීය ගුවන් සමාගම් කිහිපයක් සමඟ සාකච්ඡා කර ඇතැයි ඇමති ප්රසන්න රණතුංග මහතා වැඩිදුරටත් පැවසීය.
රත්මලාන ගුවන්තොටුපළ තුළ ජාත්යන්තර ගුවන් මෙහෙයුම් වැඩි කිරීමේ රජයේ වැඩපිළිවෙළ යටතේ ආයතනික හා ව්යාපාරික ජෙට් යානා සඳහා පහසුකම් සැපයීම, දේශීය සිවිල් හා වාණිජ මෙහෙයුම් වැඩිකිරීම, කලාපීය ගුවන් මෙහෙයුම් සඳහා ඇති ඉල්ලුම සැලකිල්ලට ගනිමින් මාලදිවයින හා දකුණු ඉන්දියානු ගමනාන්ත සඳහා ගුවන් මෙහෙයුම් ඇරඹීමට කැබිනට් අනුමැතිය හිමිව ඇතැයිද අමාත්යවරයා වැඩිදුරටත් කියා සිටියේය.
ඒ අනුව රත්මලානේ ගොඩබස්සවනු ලබන ජාත්යන්තර ගුවන් යානා වසරක කාලයක් සඳහා ගොඩබෑමේ හා නතර කර තැබීමේ ගාස්තු වලින් සම්පූර්ණයෙන්ම නිදහස් කිරීමට තීරණය කර ඇතැයි බවත්, ඊට අදාළව ගැසට් නිවේදනය ද ඉකුත්දා ප්රකාශයට පත් කළ බවද සංචාරක අමාත්යවරයා පැවසීය.
තවද රත්මලාන ගුවන්තොටුපලට පැමිණෙන ජාත්යන්තර ගුවන්යානා සඳහා සහන මිල ගණන් යටතේ ඉන්ධන ලබාදීමටත්, රත්මලාන ගුවන්තොටුපලේ ගුවන්තොටුපළ අපගමන බද්දෙන් 50%ක මුදලක් වසරක කාලයක් සඳහා නිදහස් කිරීමටත් කැබිනට් මණ්ඩලය අනුමැතිය පල කල බව ඇමති ප්රසන්න රණතුංග මහතා පවසයි.
1935 ඇරඹුණු රත්මලාන ජාත්යන්තර ගුවන්තොටුපළ මෙරට පළමු ජාත්යන්තර ගුවන්තොටුපළ වේ. කොළඹ නගරයේ සිට කිලෝ මීටර් 14ක දුරින් පිහිටි මෙම ගුවන්තොටුපළ වාණිජ මගී ගුවන්යානා, ගුවන්සේවා පුහුණු පාසල්, ජාත්යන්තර ආයතනික ජෙට් යානා, ප්රභූන් හා විශේෂ අමුත්තන්ගේ ගමන් බිමන්, ජාතික අර්බුදකාරී අවස්ථාවන්හිදී මානුෂීය මෙහෙයුම් හා ශ්රී ලංකාවේ ගුවන් හමුදාවේ ගුවන් මෙහෙයුම් ද ඇතුළුව දේශීය ගුවන්සේවා කේන්ද්රස්ථානය ලෙස රත්මලාන ගුවන්තොටුපළ දිනකට ගුවන්යානා මෙහෙයුම් 75ක් පමණ ක්රියාත්මක කෙරෙන බව ද සංචාරක අමාත්යාංශය කියා සිටී.
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රත්මලාන ගුවන්තොටුපළින් කලාපීය ගුවන් මෙහෙයුම්
sena Tuesday, 15 September 2020 07:55 AM
ඒ කියන්නේ අපේ දැනට තියෙන ජාත්යන්තර ගුවන් තොටුපළවල් වලට කරගන්න බැරිතරම් මෙහෙයවීම් සංඛ්යාවක් තියෙනවද?
de silva Tuesday, 15 September 2020 08:42 AM
කටුනායක සහ මත්තල වේලෙනවා. ඒ මදිවට පලාලිත් තියෙනවා. දැන් රත්මලානත් ජාත්යන්තර ගුවන් තොටුපළක් කරන්න හදනවා. ඔය ගුවන් තොටුපළ සම්පූර්ණයෙන්ම ආරක්ෂක සහ ගලවාගැනීමේ කටයුතු මෙහෙයවන්න ගුවන් හමුදාවට බාරදෙන්න.
chandima Tuesday, 15 September 2020 04:09 PM
ඒත් ඉතින් ප්ලේන් එකෙන් බැහැලා යන්න ඕනේ තැනට යන්න දවසක් විතර යනවනේ... ට්රැෆික්වලට අහුවෙලා කොටකොට යද්දී...