(මනෝජ් හර්ෂික)
ත්රස්තවාදී ප්රහාරය හේතුවෙන් බලපෑමට ලක් වූ ක්ෂේත්ර රැසකට සහන පැකේජයක් හඳුන්වා දීමට රජය තීරණය කර ඇතැයි මුදල් අමාත්ය මංගල සමරවීර මහතා අද (30) පැවැසීය.
සංචාරක, ප්රවාහන, කලා ආදී ක්ෂේත්ර ගණනාවකට මෙම පැකේජය මගින් සහන සැලසෙන බව අමාත්යවරයා කීය.
අමාත්යවරයා මේ බව කියා සිටියේ මුදල් අමාත්යාංශයේ පැවැති මාධ්ය හමුවකට එක්වෙමිණි.
ප්රහාරය හේතුවෙන් ප්රබලම බලපෑම එල්ල වූ සංචාරක ක්ෂේත්රය වෙනුවෙන් මීට පෙර ද සහන රැසක් ලබා දීමට රජය කටයුතු කළ බවත් අවිධිමත් ලෙස සංචාරක ව්යාපාරයට සම්බන්ධ වෘත්තීන්වල නිතර පාර්ශ්වයන් හා සංචාරකයන්ගේ පැමිණීම පහළ යාමෙන් දැඩි පීඩාවට පත්ව ඇති බවත් නව සහන පැකේජයට එම පාර්ශ්වන්ද ඇතුළත් කර ඇති බව ද අමාත්යවරයා කීය.
සංචාරක ක්ෂේත්රයට අදාළ රැකියාවන්හි නිරත ක්ෂුද්ර ව්යාපාරිකයන්, ස්වයං රැකියා නියුක්තිකයන් හා අනිකුත් අනියම් ව්යාපාරිකයන්ගේ ජීවන තත්ත්වය ශක්තිමත් කිරීමට සඳහා සංචාරක පොඩ්ඩෝ නමින් නව ණය යෝජනා ක්රමයක් හඳුන්වා දෙන බවද අමාත්යවරයා කීවේය.
මේ යටතේ රුපියල් ලක්ෂ 5ක උපරිමයකට යටත් ව පොලී රහිත ණය මුදලක් ලබා දෙන අතර ප්රාදේශීය සංවර්ධන බැංකුව මගින් ලබා දෙනු ලබන මෙම ණය මුදල ගෙවීම සඳහා වසරක සහන කාලයක් ද හිමිවේ.
පෞද්ගලික බස් රථ හිමියන් වෙනුවෙන් 2019 වසරේ අප්රේල් සහ මැයි යන මාස දෙක සඳහා පමා සහන කාලයක් හිමිවන අතර ඊට අදාළව බැංකු සහ කල් බදු සමාගම් වෙත මේ වන විට චක්ර ලේඛ නිකුත් කර තිබේ.
මීට අමතරව එළිමහන් සංගීත සංදර්ශන පවත්වනු ලබන කණ්ඩායම්වල සාමාජිකයන් ලබා ගත් ණය හා ලීසිං පහසුකම් වෙනුවෙන් සහන කාලයක් ප්රකාශයට පත් කර ඇත.
ජුනි මස පළමු වැනිදා සිට ක්රියාත්මක වන පරිදි 3.46% සහන පොලී අනුපාතයක් යටතේ රුපියල් ලක්ෂ 5ක උපරිමයකට යටත් ව කාරක ප්රාග්ධන මුදලක් ලබා දෙනු ලැබේ. මෙම ණය මුදලේ පොලියෙන් 75%ක් ම දරනු බලන්නේ රජය මගිනි.
තොරණ නිර්මාණකරුවන්, විදුලි කාර්මික ශිල්පීන්, චිත්රශිල්පීන් සහ විරුදු ශිල්පීන් වෙනුවෙන් ද සහන සැලසීමේ වැඩපිළිවෙළක් ඉදිරි සතිය තුළ ක්රියාත්මක කිරීමට අපේක්ෂා කෙරේ.
(ඡායාරූප - ලහිරු හර්ෂණ)
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ශ්රී ලංකාවේ ප්රමුඛ පෙළේ රක්ෂණ සමාගමක් වන HNB ජෙනරල් ඉන්ෂුවරන්ස් (HNBGI) සමාගම පසුගියදා සම්පත් බැංකුව සමඟ සහයෝගීතාවකට එළඹෙමින් සම්පත් ක්රෙඩිට් කාඩ්පත් හ
දිවයිනේ ප්රමුඛ පෙළේ කිරි හා ඒ ආශ්රිත නිෂ්පාදන සිදු කරන සමාගමක් වන රසෝදා ඩේරීස් පෞද්ගලික සමාගම කාර්මික සංවර්ධන මණ්ඩලය (IDB)සංවිධානය කළ ජාතික ව්යාපාර ව
ඇසෝසියේටඩ් මෝටර්වේස් පෞද්ගලික සමාගම (AMW)සිය සමූහ කළමනාකාර අධ්යක්ෂ ධූරය සඳහා Andre Bonthuysමහතා තෝරා පත් කර ගන්නා ලදීග 1949 වසරේදී ටයර් නිෂ්පාදනය මුල් කරගනිමින්
සෙරන්ඩිබ් ෆ්ලා මිල්ස්ල සිය ප්රධාන පාරිභෝගිකයන් සමඟ ඩුබායි හි පැවැති ජාත්යන්තර වශයෙන් කීර්තිමත් Gulfood - 2024 ප්රදර්ශනයට සහභාගි විය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාස්කු ප්රහාරයෙන් බලපෑමට ලක්වූ ක්ෂේත්ර රැසකට සහන පැකේජයක්
sana Friday, 31 May 2019 05:00 AM
ඔයාව ගෙදර යවන එක තමයි හැමෝටම තියන සහනය
rasika Friday, 31 May 2019 02:30 PM
මුලු රටේම ආරක්ෂාව පාවලා දීල හරි සල්ලි හොයනවා කියලා හිතන් අාපු ආණ්ඩුවට මොකද වුනේ..? තිබුණු දේත් නැති වුණා. ආරක්ෂාව මුලට දාන්න ඕනේ.. එහෙම නැතිව මොන සංවර්ධනයක්ද? නැවත බෝම්බ පිපිරෙන්න ගත්තාම රටට කොහෙන්ද ආයෝජකයෝ එන්නේ..?